Si me preguntes fae un añu qué ye la Piedriquina dexuru que te dicía que una piedra piquena, pero ay, finos y fines!!!!, baxo tal nome tamién s'abelluga una Asociación Cultural que ta faciendo un trabayu etnográficu ya hestoriográficu que al mi paecer ye abondo interesante. Tuvi la suerte de fae unos meses conocer y reunime con Claudia Prieto,-asociada de la Piedriquina y collaboradora de la revista anuariu que la mentada asociación espubliza-, a raíz d'una charra pa un artículu n'el que fae un estudiu permenorizáu de la hestoria de la cerveza na nuesa tierra, dende los pioneros que aniciaron a facer cerveza allá per el sieglu XIX fasta la realidá de güey en día, onde la cerveza ta despuntando otra vegada como una bébora artesana y de calidá.
Per fortuna, pudi seguir en contautu con Claudia y puedo decivos que el so trabayu promete y muncho, anque sólo seya per la pila hores que- y dedicó con ganes ya ilusión. Per esto,-bueno y per el restu de los articulos del espliegu que tamién tienen atrautivu- anunciovos que el vienres 5 d'abril, a les 20h tendrá llugar nel Club de Prensa Asturiana de La Nueva España la presentación del VI Anuariu de La Piedriquina. Nun vos lo perdáis. Ellí taremos. Haiga Salú y Piedriquina!!
Info en Facebook: La Piedriquina en Facebook
Más Info alrodiu la Piedriquina y les sos Actividaes: Aquí y Aquí
Imaxen: Extraída de la Piedriquina, todos los derchos reservaos per los autores.
No hay comentarios:
Publicar un comentario