¿Cerveza n'Asturianu o Cerveza Asturiana?

Fai ya unos cuantos años que nel mercáu no sólo asturianu ensino tamién español la cerveza Belenos ocupa un llugar destacáu na modalidá de cerveces fuertes especiales. Belenos cuenta con un diseñu llamativu del que hay que sorrayar l'empregu de la llingua asturiana-n'una edición billingue asturianu-español, y les referencies mitolóxiques al dios celta que-y da nome. En lo tocante a la cerveza nada sorprendente ni novedoso dende un puntu de vista pero que te prestará abondo si yes de los que desfrutes con esti tipu de cerveza.

La custión que da títulu a esti tema derivase de una serie de comentarios apaecíos especialmente en circulos cerveceros nacionales y rexionales y nos que se menciona a esta cerveza como una cerveza asturiana. La desinformación fae q'erroneamente esti pensamientu se estienda por la comunidad cervecera llegando a establecer la falsa creencia acerca del so orixe. ¿Tamos por tanto ante una cerveza asturiana o ante una cerveza n'asturianu?, entrugaréis postreramente munchos de vos. La respuesta ye bien senciella: Belenos ye una cerveza n' asturianu-entiedase por esta que fae usu de la nuestra llingua y de la nuestra mitoloxía.Pero no una cerveza asturiana y si ye la de los asturianos, como diz na so tiqueta, será la de los asturianos que yos gusta la cerveza belga porque tratáse d' eso mirese dende onde se mire. Ye belga porque ta fecha en Bélxica por una cervecera belga, con materies primes y calidaes del mentáu país. Sólo la idea y el diseñu son -xunto con la venta y la distribución, asturianos.

Quiciaes la mezcla que dende ciertos seutores se fae de llingua, cerveza y cultura céltica lleve un poco a la confusión. Muy típicu ye entre ciertu grupu de la mocedá la idealización de l'arcu atlánticu na que se pretende fundar les raices de la cultura cervecera d'Asturies, empobinando la imitación de lo irlandés y escaeciendo queAsturies siempre tuvo una bona y gran tradición cervecera que puede que muchos desconozan.

Ensin embargu, puestos a buscar raíces fora, a mi prestame ver la rellación y el por qué de esta cerveza dende otru enfoque. Los llazos entre belgues y asturianos vienen de lloñe. Bélxica siempre foi un destinu pa los emigrantes asturianos(ya españoles) -refuxiaos políticos de posguerra, trabayaores especializaos, xente buscando un futuru meyor, etc- onde siempre fueron bien recibíos y onde dellos echaron raíces creando una comunidá per importante. Como resultáu de todo esto hay una serie de conesiones económiques, culturales y sociales muy fuertes. España ye unu de los países a la tiesta n'importación de cerveza belga y un segundu paraísu pa los que desfruten con les variedaes d'esti país, qué tanto n'Asturies como nel resto de la península ye per grande. De ahí que el tinu comercial de Belenos nun vaiga descamináu.

Asturies ye tierra de sidra, eso nun me lo puede negar naide, pero siempre foi una produtora de muy buena y competente cerveza, destacando n'esi seitor durante tóu'l sieglu XX. Estrella de Xixón, que fabricó cerveza dende los años 20 a los 70 y L' Águila Negra de Collotu, cervecera que esistió del 1898 a 1992, coparon el mercáu con les sos cerveces de calidá. Llúpulos, cebaes y agua yeren de procedencia asturiana o nel so defeutu española dando como resultáu una cerveza a la altura de munches que proveníen de países culturalmente cerveceros. Galicia, Lleón, Zamora, Cantabria, Euskadi ya Madrí, yeren dellos de los sitios a onde esta cerveza se mandaba; llugares tóus onde tenía grandes ventes y meyor reputación ,faciendo incluso competencia a les cerveces llocales.Les miseries de unes direutives incompetentes y la dexadez de los gobiernos rexionales de turnu llevaron a la quiebra esta industria cervecera que tanta fama diera a Asturies.( Toparéis una breve hestoria ilustrada del Águila Negra con referencies a la Estrella nel siquiente enllace: Oro y Espuma.)

Agradecíu: Gracies fonderes a Cotoya por la guapa semeya de Belenos Super y a Boak & Bailey por la curiosa y orixinal de la Belenos de Navidá.Thanks a lot amigos!!!




P.S1.- A los aficionaos a la cerveza que conozcan el Aguila Negra que se vende agora nos supermercaos aclarayos que tratase de una cerveza totalmente diferente, fecha en Andalucia por Cervezas Alhambra la cual, cuando se desintegró l'Águila Negra, ficierase con los drechos del nome con el fin de sacar una llínea de cerveces barates pa competir nel ámbitu de los pequenos supermercaos.Nada tienen que ver una cerveza con otra ni en sabor, olor, color y testures.

P.S.2-La primera semeya corresponde a la Belenos Super: Strong golden ale de color doráu, natural y ensin filtrar, con notes destacaes a malta, frutes y un lixeru amargor envuelto tóu ello por un potente ardor alcohólicu producíu por los sos 9 grados de alcohol; la segunda a Belenos de Navidá, fecha pa degustar en avientu y xineru, ye una ale artesanal de temporada de color ambarinu, espuma blanca duradera, notes a cereal, azucares tostaos, especies y con un puntu picante que mezcla bien con los sos 9 grados y que la fae interesante les dos cerveces bandiera de la destribuiora(Belenos embotella tamién L'Esbardu( el osezno) cerveza con miel y recientemente salió a la ventaBelenos Tostada, una Dubbel belga que tuvimos la suerte de probar antes de que fuere puesta a la venta y de la veréis una cata en CAAC). La última semeya corresponde a L'Águila Negra tipo pilsen tradicional, cerveza lixera, de corte a caballu entre les cheques y les alemanes, de color amariellu paya, espuma blanca medio duradera, con aguja fina y sabores marcáos a cereal, un lixeru toque a piescu y un amargor profundu y aromáticu que marcaba la diferencia por lo equilibrao que dexaba el tragu.