Nun se si foi pela febre, o por nun poder falar del dolor de gargüelu que arrastré tóus estos díes y que tovía me tien convaleciente, pero la custión ye que diome per pensar, cosa que nun suelo facer muncho, y asusteme un pocu de lo que pensé.
Torniaramos fae una selmana d'Edinburgh, y na más posáme del aeroplanu baratu que mos traxo, decidí que nun diba a tomar más cerveza ibérica que nun fuere fecha de tóu malte de cebada. Ya llevaba yo tiempu rumiando esa idea, y puseme a cabilar fasta dame cunta que salvo una, nun tope tovía cerveza fecha equí que se axustare a esos parámetros y que me gustaré. Habeles hayles, delles amás, sobre tóu de marques blanques, pero aunque nun tienen maizos ni arroz, lleven estratu de malte y estratu de lúpulu per un tubu con lo que salimos de Guatemala pa metenos en guatapeor.
La realidad cervecera con la que pude reencontrame n'Edinbra, fizome afianzame na mio postura. Va a seme muy duru, y dexuru, que caeré della vegada que otra perque hay un par d'elles que me presten aunque tengan maizos, pero tengo claro que ya nun voy tragar más con la patraña de les grandes cerveceres, con esa costume tan fea de facemos comulgar con ruedes de molín, con esa maniera de facenos creer que el maízu y l'arroz son ingredientes que nun afeuten a la receta, o lo que ye peor, que formen parte d'ella per tradición. Fasta onde yo se, echense estos adxuntos pa abaratar costes, en detrimentu de la calidá, y pa aforrar en malta de cebada, y eso pa mi ya nun val. Nun quiero paecer equí un illumináu, ni un purista ni nada d'esu, qie cada unu ya una faiga lo que quiera, pero yo, a día de güey, y a sabiendes que perder abanicu de escolleta, digo non, a les cerveces feches con maíz y arroz.
*Maize lléese /maiz/ onde la z ye una s sonora, sería algo asína como maisss, d'ehí el xuegu, malu, de pallabres.
