Pub Ale

"La vida te da sorpresas/sorpresas te da la vida..." cantaba Rubén Blades en "Pedro Navajas" y bien cierto ye, porque de repente, cuando menos te lo esperes, de entre un grupu de coses mediocres xurdi dello xenial...ya equí tenemos un exemplu

BODDINGTONS PUB ALE
Tipo: Ale
Fermentación: Alta
Alcohol:4,7%
Brewery:Strangeways Brewery, Manchester.www.strangeways.com
Cata: Ye una Ale inglesona típica, de color tostáu y  sabor a nucha malta  y amargore moderau que fae un tragu reondu. Dexuru que te transporta a cualquier pub británicu. Si cierres bien los güeyos igual sientes tar nun pub del East End Llondinense o en n'una posada de los Costwolds, por poner dos exemplos, asína a la líxera.
Tien otres dos caralterístiques importantes esta ale: Por un lláu mata la añoranza de los que sienten La Islona cercana nel coral y per otru, consumiéndola, apoyes a la CAMRA en la so llucha contra la venta de esta cervecera a un macroconsorciu de bebides espirituoses.  A TOAST FOR YOU, FOLKS!!!

Campos de Castiella ( Y III)

...Nun podíamos,una vez en tierres Vallisoletanes, dexar ensin tastiar los blancos frescos y centenarios de la Denominación de Orixen Rueda.Sea esta cabera entrada sobre Castiella a la salú de esos collacios Pucela N@s -medio exiliaos voluntarios,medio castellanos de pro.

Monasterio de Palazuelos verdejo 2005

TIPO: vino blanco D.O. Rueda Verdejo, de última cosecha.
AÑADA: 2005
VARIEDAD: 100% Verdejo
ALCOHOL: 12,5 %
BODEGAS: Bodegas hijos de Alberto Gutierrez S.A. Serrada, Valladolid.www.losalbertos.com

NOTA DE CATA ( Fecha por la Bodega): blanco seco, vivo y afrutado de gran potencial aromático con un toque de acidez refrescante. Está elaborado con Verdejo, la uva autóctona de la D.0 Rueda.
Es muy adecuado para tomar con pescados, mariscos, aves y aperitivos.
Debe servirse a temperatura entre 6 y 7 grados Cº.

Prestenme abondo  estos vinos  cuando son 100% verdejo porque son el resultao del cuidau y respetu a una uva autóctona y única nel mundo. Los de Mezcla nun me da más per ellos, la verdá, satúrame el maracuyá, qué voy facey!!! .
Nun dexéis de probar tamién:
Viña Marian 2005 verdejo%
Analívia 2005 verdejo 100%
Ovación 2005 verdejo 60% y viura 40%-Pa ver el contraste de sabores que da la uva viura y por si vos gusta la mezcla
.
ÓNDE? En Casa Paca. Plaza del Peso 10, Salamanca. www.casapaca.com. Bar estableciu en 1928, ye todo un museu de la restauración charra. Con una carta y una oferta en pinchos y en bebides que satisfaz al más exigente. Destacar aquí que el vinu catáu fué un perfectu acompañamientu de los pinchos de morciella con pimientu del piquillo y los de alcahofes estofaes, por poner sólo dos exemplos de una variedá muy bien ellaborada. Tamién hay que decir que ye un sitiu que en sí ye guapísimu y  nun se puede dexar de visitar. Pa los cerveceros que gusten del conceutu tan español de la caña,  añadir que ye el sitiu onde meyor echen la caña de toa Salamanca,( eechar sí, o servir, y no tirar que la caña nun se tira, rediós)...Y ye el meyor porque tanto en temperatura y en  medida- con el deu exactu de espuma y en  copa de 40cl- como en condiciones sanitares,  dexuru que fae les delicies del más exigente.
-

Campos de Castiella II

"YO VOY SOÑANDO CAMINOS/ DE LA TARDE./¡LAS COLINAS DORADAS,LOS VERDES PINOS, LAS POLVORIENTAS ENCINAS!/...¿ADÓNDE EL CAMINO IRÁ?/ YO VOY CANTANDO, VIAJERO/ A LO LARGO DEL SENDERO..." A. Machado.

Segunda entrada Castellana, dedicáu con cariñu a mio padre-amigu y maestru- quien un día, siendo yo guaje, llevome a les bodegues de P. Barrigón, en la tierra del Cigales y quien siempre m'inculcó el gustu per Machado

Cambiamos de lláu y adentramonos na estepa de la Tierra de Campos, concretamente en la denominación de Orixen Cigales, pa poder degustar y saborear el rosado castellanu por excelencia.

VEGA DE LOS ZARZALES
Bodega: Avelino Vegas (Bodegas Cerrosol)
País: España
Región: Castilla y León (Cigales)
Año: 2005
Tipo: Rosado
Uva: Tempranillo
Alcohol: 13.5º
Nota de Cata ( fecha per la bodega) Color cereza de intensidad media-baja. Aroma de intensidad correcta, con notas de fruta roja madura, pero también toque azufrado. En boca es de cuerpo medio, con buena acidez, fruta evolucionada otra vez y un final breve.

¿Ónde?
Nel Bar La Viga. Plaza san Justo 27. Esti ye un vino ideal pa tomar fríino, degustando unos pinchos charros especialidad de esti bar típicu salmantín. Aquí podemos probar la jeta asada, el morro rebozado, los sesos de corderu así como un quesu castellanu que espatarra de lo buenu que tá. Unes copes de cigales y un pinchu d'estos son felicidá verdaera.

Campos de Castiella I

Durante el descansu estival per tierres salmantines y portugueses decidimosnos a probar ldellos viñacos de esta dura tierra castellana enllena de contrastes. Topeme con tantes coses interesantes que tengo que ir per partes. Esta primera entrada quiero dedicáilu una buena charra que ye tamién  medio portuguesa,  y que fizome de "cicerone" y guía enoturística por los dos llaos de la "Raia". Beijos muitos

Tipo de vino:Tinto.
Zona geográfica: Castilla y León.
VCPO:Vino de los Arribes del Duero
Tipo de uva: Rufete y Juan García
Bodega: Bodegas Arribes del Duero coop., Corporario, Salamanca.
.

¿ÓNDE? Na cafetería Bambú. C/Prior 4 bajo. www.cafeteriabambu.com.
Los meyores pinchos y el serviciu más competente de tóo Salamanca. Esti vinu ye sabrosu y duru al principiu, como la tierra y el riu que lu arrodia, pero faese buenu  un tiempu, siendo el acompañamientu ideal de los pinchos de Chanfaina ( arroz caldosu con corderu y cominos típicu de Salamanca), de los pinchos morunos,de les tostes de variedaes infinites o de les famoses "patatas meneás"( platu tradicional  compuestu de patates, lloréu, torreznos y pimentón)que puedes degustar n'esti gran llocal. Qué tarde-noches pasamos allí dando gustu al cuerpu y al alma. Nun vos lo perdáis!!!!!!!

I've had a dream....

"Y SOÑANDO....."

Cites en un vasu

Bibere Humanum Est  ( Visto n'un chigre en Pisa, a fines del sieglu XX, cuando tovía se pagaba en lires)

To Copy is to Forgery  (Lema de McEwan's, mítica fábrica escocesa)

"The problem with the world is that everyone is a few drinks behind." (Humphrey Bogart)

"A woman drove me to drink and I didn't even have the decency to thank her." (W.C. Fields)

"Always do sober what you said you'd do drunk. That will teach you to keep your mouth shut."                                                                                                       (Ernest Hemingway)

Cerveza del Sol Naciente ( y II)

Yera la tarde del día en que Portugal y Francia xugaben el pase a 1/4's de final o algo asina y quedemos en casa pa velu y facer una merendola como les de cuando yeremos guajes. Preparé un poco pincheo y puse vinu portugués a refrescar, Jevimack tamién conocíu como el Presi, metió la birra a enfriar y Cotoya traxo delles cerveces xaponeses ya fríes. Mientres lo preparabemos todo, llegó’l Patrón con más cerveces y una tarta contessa “doppio cioccolatto”, faltaba por llegar L'Otru que taba trabayando pa ganar el xornal y traxo..... fame. Ya tabemos al completu enfrente la tele y con ganes de comedia... Pa vosotros esti Sursum Corda:

QUINTA CABOLEIRA RESERVA 2001 
Região: Douro
Produtor: Sotolouro Vinhos SA
Qualidade: Tinto
Castas: Tinta Barroca Tinta Roriz Touriga Nacional
Teor Alcoólico: 13% vol.
Anho: 2001
Cor: Vinho encorpado de cor rubi
Sabor: Aveludado e complexo, proveniente da perfeita harmonia entre a fruta e a madeira.
Aroma: Aroma intenso
Consumo: Apto a ser apreciado de imediato podendo, contudo, evoluir em garrafa durante mais alguns anos.
Vinificação: Curtimenta com longa maceração pelicular
Estágio: Envelhecido em cascos de Carvalho Francês durante doze meses
Nota de Cata: La verdá ye que bebí un vasu pa probalo y dar costancia y enseguida tireme per la cerveza, asina que tengo que remitime a les  sabies pallabres del Patrón, quien zarapicó el solu casi la botella entera, (ye que el partíu taba emocionante), y foron estes: “ta bono abondo”. Asina que a probalo. ( yo ficelo al día siguiente con el terciu botella que quedabaydoy fe).

Sapporo classic
Tipo: Lager

Fermentación: Baja
Alcohol: 5%
Brewery: Sapporo Breweries Limited (サッポロビール株式会社)

Cata:Sapporo Breweries enorgullecese de ser la "Japan's Oldest Brand", la marca más vieya del Xapón, y ye por ello que embotella y enllata la "nama biiru" o draft beer, cerveza al estilo de la de barril. Como pudimos apreciar ye una cerveza suave, al final del tragu a mi paezme refrescante pero con carálter lo que la diferencia un poco de les sos rivales nel mercáu.

Sapporo Slow Made

Tipo: Lager
Fermentación: Baja
Alcohol: 4,5%
Brewery:Sapporo Breweries Limited (サッポロビール株式会社)

Cata: Sapporo Slow made ye la sorpresa de la cata. Resulta ser lo que llamen una low-malt beer o Happoshu (発泡酒 happōshu =. "sparkling spirits") que ye un tipo de facer cerveza ( y bebides fermentaes) n'a que deben contener, per tradición, menos del 67% de malta. Esti fechu, da- y más lixereza y faela más bebible en ciertos ambientes,imaxino, d'aquelles llatitudes. A mi n'esta parte del mundiu, nun me supo a nada. 

Yebisu Dark beer

Tipo: Dark Lager
Fermentación: Baxa
Alcohol: 5%
Breweries:Sapporo Breweries Hokkaido

Cata: Una vez catada la yebisu premium all malt, y tras comprobar la so calidá teníemos puestes grandes expectatives na so compañera prieta tradicional..... La verdá ye que fue una gran sorpresa, ya que en  boca atopamos el recuerdu ya casi olvidáu del regaliz que comíemos cuando guajes y de la achicoria tostada que les güeles echaben al café. El predominiu de la malta torrefacta ye lo que trae. Ye particular y contundente. La pregunta agora ye: ¿podremos facer en casa birra con esa nomada achicoria? si ye asina que se preparen los del aldimerka que lo petamos.

Y de manduca: patates frites y cacagüeses, chorizu de la Alberca y quesu Edam francés, y unos sandwiches de bonito (  que taba de ufierta jejeje):

Bonito con tomate a la inglesa: Bonito, salsa tomate fecha per mi, salsa perrin’s, orieganu y pimienta prieta.

Bonito Mayo y yerbes: Bonito, mayonesa Musa, salsa soya y eneldu.

Qué vos aproveche!!!

La Cerveza del Sol Naciente/Rising Sun's Beer

Cuando Cotoya San ya Ivan Sama mos cuntaron que colaben pal Xapón casi mos da mal. "Vaya pasada" diximoslos más, "táis chiflaos" dixeron otros, "llevainos con vosotros" dixeron les otres, "llevay chaqueta que nuechi refresca en Kyoto, que selo yo que ta hermanao con Colloto", dixo el capitalín que se ríe siempre de mi y del mio pueblu, "Traeymos algo hoooo," glayamos toos al únísonu, como guajes castigaos per a pasar el branu n'Asturies per haber suspendíu y nun poder dir a Valencia Don Juan a secar con los güelos y los primos, La cosa ye que parcialmente mos ficieron casu, pues nun llevaron chaqueta y tuvieron que merquiar un kymonu, poro  si mos traxeron unes cervecines del Sol Naciente que prestó abondo tastiar. 
Gracies fonderes ( Domo Arigato どうもありがとう ) y Haiga salú (kanpai 乾杯).

Kirin Ichiban
Tipo: European Lager
Fermentación: Baxa
Alcohol: 4.95%
Brewery: Hokuriku Kirin Brewery/Charles Wells Brewery. U.K

Cata: Dicen los que la venden que ta fecha segun la tradición “Shibori”, uséase que aprovechase sólo el primer mostu obteníu de la mezcla d'agua, malta de cebada y llúpulos suaves.Lo que consiguen ye un sabor carálterísticu sin retrogustu amargu y con un toque final lixeramente dulce. Ye una cerveza realtivamente xoven, creóse n'el 1990 y dende el 98 produzse n’Europa gracies a los británicos enriba enllazaos.
Personalmente vienme a la memoria el branu'l 97’ n’Oxford visitando a la mio amiga Zuleyma y a les sos compañeres. Taba yo radicáu en Llondres col mio Collaciu Alan (Where are you pal?) y fuimos a pasar unos díes a casa d'estes amigues que taben nuna residencia universitaria pijisima  deprendiendo de tou menos inglés. La cosa ye que ficimos un fiestón d’esos con tortiella, vinu, chorizu ( lo primero ficimoslo con productu d'elli los dos segundo metílos  ilegalmente en U.K) y claro nun tardaron en apuntase los vecinos: 2 rus@s, 3 tedesc@s y 4 xaponesuques simpátiques y perguapes que bailaron flamencu mientres mos arrancabemos per Los Chichos. La cosa ye que acabemos nel bungalow  universitariu (yera piju’l sitiu , ya vos lo dixe) de les xaponeses, escuchando a" Jarabe de Palo"(¿???) y bebiendo una docena d’estes cerveces que parecíen nun pegar pero que al final ficieronmos cantar y rodar pe'l suelu “Ay, què caída más tonta!!!!”

Asahi Super Dry No.338
Tipo: Dry Lager
Fermentación: Baxa
Alcohol: 5%
Brewery: Asahi Brewing Co, Nagoya

Cata:Detrás d’esti ampulosu nome escuendese una cerveza famosa por ser la que popularizó el términu , Karakuchi , Dry Lager o  lager seca. Creóse tamién fae poco, en 1987, y pa facela dicen los birrólogos que producen llevaures agresives que  agoten toos los azúcres y que xunto con la malta de cebada y los llúpulos selecionaos confieren-y el carálter secu, suave y con lixeru amargor. Probela fae tiempu en una d’eses visites a restaurantes mixto-asiáticos onde igual te sirven comida china que xaponesa que coreana y debo reconocer que a mi prestóme abondo

Yebisu Traditional Beer
Tipo: Dortmunder lager
Fermentación: Baxa
Alcohol: 5,8%
Brewery: Sapporo Brewery in Hokkaido

Cata: Cotoya-san - imparable viaxeru y gran conoceor de la birra de mediu mundu, traxome amablemente esta cerveza tan interesante como sorprendente. Seya a la tu salú amigu. All Malt Premium Beer anuncia na etiqueta y nun defrauda; sabrosa con un regustu muy bOnu d’amargore y con una sequedad notable, quiciaes el fechu que más me sorprendió d’esta cerveza. Guapina tamién la Etiqueta col Ebisu, deidad sintoista de la bona fortuna y de los pescaores. Gracies a esta cerveza acabo d’aprender dos pallabres en nipón: bīru「ビール」(cerveza) y yopparai「酔っ払い」(borrachu)... tendremos que poneles en práctica jejejeje

Haiga salú (kanpai 乾杯)

"With a Wild Rush of Joy" un Homenaxe a Conan Doyle

"WITH A WILD RUSH OF JOY"

22 de mayo de 2006, Cumpleaños de Sir Arthur Conan Doyle (Edinburgh 1859-Sussex 1930). Pa mi'l mio gustu ye un de los meyores escritores en llengua inglesa***** a parte de resultar un personaxe en si mesmu. Cunta la hestoria que yera un tipu socarrón, Divertíu, amenu y aventureru. Una d’eses persones imaxinatives, actives y dicharacheres que ya dende guaje cuntaba histories pa´entretener y facer reir a la xente. En vez de dedicase a la pintura y a la arquitectura como el resto la so familia, decidiose por la melecina y tres  de unos malos años internu con los Xesuitas en Inglaterra volvió a Edimburgu a estudiar la materia.

***** ( completen el  mi quintetu inicial: Stevenson, Poe, Kipling, y Conrad, esti últimu con plaza comunitaria jeje) 

Voy contavos una anécdota que demuestra esta condición de home con gran sentíu del humor. N'el añu 1881, llicencióse y al recibir el "Bachelor of Medicine and Master of Surgery degree” ( Llicenciatura en melecina con gradu en ciruxía) fixo un chiste sobre si mesmu y punxo-y debaxo, escrito a mano, "Licensed to Kill."( llicencia pa matar).

Comu aventureru, la faceta suya quiciaes más desconocida, anduvo pel mundu embarcáu, primeru como asistente prauticante nun balleneru que recorría les agües de Groenlandia y onde sintió que había nacío pa’l vagabundeo ( I awakened the soul of a born wanderer"). Depués entró de mélicu nun vapor, que diba de Liverpool a la costa oeste d'África. Dexolo pa poner una consulta nun pueblu pero nun yera feliz  al completu y dedicose a escribir. 

Con la publicación de A Study in Scarlet (Estudio en Escarlata), onde introducirá al más famosu detective de tóos los tiempos, Sherlock Holmes, consigue la fama y el dineru suficiente pa ser llibre per  la primera vegada na so vida: Por fin va  poder dedicase a escribir. A partir d'esti momentu anicia  la so llucha particular y contradictoria; nunca tá contentu pués piensa que nun ye lo suficientemente reconocíu como poeta, dramaturgu o historiador-facetes en les que destacaba con destreza- y que sólo gusta por Sherlock Holmes. Por un llau ye un tipu que defiende la lóxica, el razonamientu y la deducción, por otru lláu ye un adictu a les cuestiones espirituales y sobrenaturales. Pacifista y filántropu declaráu, alistase, sin embargu, pa ir a la Guerra de los Boer. Esa filantropía llévalu a querer ser políticu n’Escocia, Fue políticu radical de Izquierdes acusáu de ultra católicu y derrotau una y otra vegada. Nun para y lo mismo boxea, que xuega’l golf, que monta en globu o pilota coches de carreres mientres escribe infinidaes d'artículos. En fin, Un home contradictoriu y a la vez xenial, un alma llibre, con unes ganes terribles de vivir y de suañar. Nun en baldre, Les sos últimes pallabres fueron un “You’re Wonderful” a la so muyer y a los sos fíos y mientres, sonreía. Per fortuna ye y será siempre inmortal.

En Homenaxe sirva esti breve paséu por Edinbra, tomando unes Ales y visitando los sitios que lu recuerden y lu faen eternu.

Garnacha: De Navarra al Mundiu

"Estella, la bella; Pamplona, la bona;
Olite y Tafalla, la flor de Navarra" (Anónimu del s XIV ( y digo yo que Tudela tamién existe).

“…Navarra será el asombro del mundo” (W. Shakespeare).

Como lo prometío ye deuda y tamos n'época propicia pal tema la entrada d'esta selmana ye un Especial Vinos de Navarra. Espero que vos aprovechi y vos allegre compañer@s Asturtudelan@s (a los de aquí y a los d'ellí )

La Denominación de Orixen Navarra estiendese per la parte sureste de la provincia, dende'l sur de Iruña- Pamplona. fasta les llíndes provinciales con Zaragoza, Soria y La Rioxa. Navarra o Nafarroa cunta con cinco subzones diferenciades: Baja Montaña, Tierra Estella, Valdizarbe, la Ribera Alta y la Ribera Baja.
La Garnacha ye la uva per escellencia, apegada e esi terruñu y productora de los caralterísticos vinos Rosados  de la tierra navarrica. Sin embargu, en los últimos años plantaronse muches hectáries de dellos tipos d’uva diferente, a saber, merlot, cabernet, tempranillo, y, sorpresivamente pudo comprobase que mecigallaes con la garnacha dan unos vinos ricos, plenos y muy gustosos. Como cosa curiosa decir que la tradición n¡estos tipos de vinos  rosaos ye que se faigan pol métodu del ”sangrado”. Esti métodu consiste en dexar el mostu  macerar unes hores con los pellellos pa que tome la collor y lluego decantalo per gravedad, non per prensa. Dizse entós que  el mostu "sangra", solu, sacando la llágrima, pa fermentar depués a una temperatura controlada y enxamás superiore a los 18º.
N'eles últimes temporaes, posiblemente pa llevar la contraria a tóos los que agora vacilen de vinu y falen al sabor de la boca cantando les alabances del tinto, tamos recuperando la sana costumbre de “tomar un vasu”(como decimos en mio pueblu a eso de “chatear”) de rosado cuando se tercia. Erróneamente siempre pido clarete, y l’utru dia entereme que clarete sólo ye un tipu de vinu rosáu de la zona de Lleón, otru de la de Rioxa y el correspondiente “Claret” francés. El resto son rosaos y el rosado va xuníu desde fae cientos d'años a la Tierra Navarra. Quiero aprovechar pa reivindicalu. el vinu digo, ya que el rosado como tal ye un vinu que ta abocau a desaparecer a causa de les modes ( Veásae lo que ta pasando xon Los Cigales, de Valladolid) y ye una pena porque n’utru tiempu yera el vinu preferíude la xente que sabía, la xente llano del pueblu. A ver si d'algún lu pon de moda y nun lu perdemos anque como bien dicen Los Berrones “ Son otros tiempos, cambia la xente, hoy la que manda ye la televisión”. 

Dexovos con 4 vinos,( 3 fechos con 100% garnacha y unu  con amestau de garnacha y tempranillu) ¡¡¡¡¡¡¡qué vos presten!!!!!!

GRAN FEUDO 2005

Añada: 2005
Bodega: Julian Chivite
Zona: D.O. Navarra
Tipo de Uva: 100% Garnacha
Temperatura de consumo: 8-10ºC
Maridaje:

Posiblemente el llagareru má famosu de Navarra (o po lo menos de Cintruénigo, y ahí ta'l Bruxu pa confirmalo, que lu conoz bien y trabayó pa' él) y con el que pude iniciame n’esto de los Rosaos Navarricos ( nafarroak rosadena je je). Ye un vinu buenu, frescu y allegre, ideal pa tomar per vasucos nos chigre en branu o pa arrimase fasta la playa col bocadiellu y pegase una fartura depués d'un bañu. Pa mi gustu tien el poblema de cansar un pocu. 

PRINCIPE DE VIANA

Añada: 2005
Zona: D.O.: Navarra
Subzona: Murchante,Ribera Baja
Bodega: Príncipe de Viana
Tipo de uva:100% Garnacha.

Esti ye un vinu d’esos que pues atopar en casi toles cartes de tolos bares del mundu ibéricu, si lo ves, nun lo dubies y  pídelu. Pa mi gusto ye “muy afresau” y pierde la acidez muy rápido pero tengo que recordar una comedia con él a la fuercia: Habíemos acabao de atropar un prau en Carrio y depués de duchamos fuimos los tres collacios mios y yo a pinchar algo a la Pola ya que teníamoslo merecío por tóo lo que habíemos trabayao. Nun se porqué, pero pedimos tortiella y chorizos a la sidra, calamares, quesu… y una botella de Principe de Viana (el republicanismo nun entiende de cuestiones epicuries), la cocinera tardaba en facer la tortiella asi que trasegada la primera botella pedimos una segunda, entre rises, voces y cancios llegó la comida y nun tardemos ni mediu minutu en pedir una tercera botella. Al final acabemos cantando’l Chalaneru y dando positivu en los controles de toles moces de Llaviana.( usease que pasaron de nos jejeje).

SIRGUN ROSADO

Añada:2005
Zona: D.O Navarra
Bodega: Cooperativa San miguel
Tipo de Uva: 85% garnacha, 15 % tempranillo
Subzona: Baja Montaña

Ye el vinu col que tomamos el vermú mio pá y yo cuando facemos la ruta matutina ( 2 veces al mes más o menos) per los chigres de Collotu. De repente un día al pedir un clarete dieronnos esti de Navarra y al minutu de probálu quedé enamoráu. De potra topemoslu n’Uviéu el utru dia cuando tuviemos investigando la zona vinatera el Patrón  ya un servidor y foi abondo prestosU. Esti vinu ye siempre una gran allegría por lo que reconforta l’alma y anima la tertulia.

HOMENAJE 2005

D.O.: Navarra
Bodega: Marco Real
Cosecha: 2005
Tipo de uva: 100% garnacha

A vegaes col vinu dexome llevar más, pol continente que pol conteníu, pela vista que pela razón y por eso acabé pagando los 3.60 europeos que val esti "Homenaxe",  o la botella ya que aún siendo un vinu correutu debo decir que empalaga muncho y acaba siendo'l más floju de toos los tastiaos. Na Ruta los vinos ta en muchos chigres pero hay que deciyos que lu cuiren un pocu, porque tienenlu muy ferruñentu ( oxidado pa los de la Logse) De toles maneres tamien lu tastiamos  con la paellina dominguera que mos ficieron de recibimientu en Salamanca selmanes depués ( Gracies xente bona, quiersevos) y súpomos a gloria.

Cazando Cerveces

You know I'm bad, the times I've had
I've got a bad reputation
I don't care, I get my share
Don't feel no deprivation, I don't
(The chase is better than the catch MötorHead)

Cazar Cerveces ye de frikis, ye verdá, nun lo voy negar pero nun ye menos que xugar al rol, collecionar soldaos de plombu, ver fubol o chupar bombielles, Yo qué se!!! 
 Una de les coses que más me prestaba,  allá per finales de los 90', -qué lloñe suenen a vegaes los 90!!!!!-cuando yera más chaval y empezaba a interesame per la cerveza yera per los comercios, a la gueta de coses nueves, de coses que nun probare,  de cerveces que foran de sitios raros, de orixen llonxanu, yera xenial topales, mirales, lleer quien les facía, merquilaes, llevales pa casa y tastiales.Se que nun soy l'únicu que lo fae, nin seré l'últimu, y tamien se que la apertura de chigres cada vegada más especializaos en cerveza faen que me sea más cómodu que el chigreru de turnu se encargue de sorprendemos y asína de pasu socializamos que ye abondo bono. Aún asina, de tantu en cuantu doy un "garbeo" -términu ochenteru xenial - Hostia los 80´si que queden lloñe y como diz la intro de esti post, desfruto de la caza, que delles vegaes, nun siempre,  ye meyor que la captura.

Schöfferhoffer

Tipo: cerveza de trigo dunkel, (negra)

Fermentación: alta

Alcohol: 5%

Nota de cata: Escura de trigu, nun falla, platanazu,y  regustu a tostáu,  Nun se perqué pero esta cerveza sempre me trae a la memoria al gran Jesús "Little Charged" Cases Ares. Será perque soplamos delles d'estes, depués de xugar una pachanga al basket "::::ummm pallacanestro, Forza" y perque esi branu mos xuntamos pa ver viendo partíos de baloncestu  y películes de hosties y artes marciales. Ye un tragu  pa compartir con los collacios,  de cena en casa y ponela a los postres con tarta de manzana sintiendo de fondu  a Die Toten Horsen!!!

Primator Nachod

tipo: Pilsener

Fermentación: Alta

Alcohol: 5.4%

Notes de cata: Esti tipu de cerveza a mi prestenme per la vida. Son reondes, d'eses que un tragu pídete otru. Seña de que ye, al mio entender, coyonuda. Ye lixera pero potente y con carálter a la mesma vegada.. Fue una de eses chiripes de “cazacerveces”- deporte consistente en entrar en comercios e intentar ver si hay alguna novedá entre la so ufierta de cerveces.

Si pa enriba, como me pasó  tienes la sorte de atopar  un caxón de ufierta con 10 botelles de mediu litro,  acompangaes de  5 posavasos y un copa tipu flauta pa qué quies más,  ye pa dar saltos de allegría y garrar unes cuantes a cuando los collacios y les collacies cumplan años. A mi prestame pa tastiar con un bocadillu de cabeza xabalí, ,escuchando a Dr Feelgood y viendo documentales de cocina centroeuropea ( cada unu tien les sus filies y les sus fobies, qué queréis!!!). Les versiones Premium lager y Dark lager  son ambes muy recomendables tamién

SVYTURYS JUBILIEJINIS 1784

tipo: Lager

fermentación: baxa

alcohol: 5,4%

notes de cata: Ye una cerveza poderosa, de carálter plenu, comu el propiu pueblu bálticu que la fae. Cómo curiosidá apuntar que faese mezclando lager vieya con lager nueva y lluego dexandola reposar en fríu  el doble  de tiempu de lo habitual. O eso dicen na etiqueta.  Cómo cata personal decir que fue la acompañante ideal a unu de esos weekends de película que montamos en  casa, Habíemos fechu pactu ya el primer día vimos la trilogía de Star wars ( les 3 primeres) . Al día siguienti contraataqué con 3 pelicules del nuevu cine Británicu una per cada una de les fantasmonaes eses yankis,: Lock and Stock, Mi Nombre es Joe y Sexy Beast. Nun fae falta decir que  la cerveza suponos meyor viendo estes últimes. 

SVYTURYS EKSTRA

tipo: Dortmunder lager/European Export

fermentación: baxa

alcohol: 5,2%

Notes de Cata:  Suavina y liviana, quiciaes un poco demasiao liviana, como mexu vamos, pero  caro yo nun opino, o lo que pongo nun-y interesa ni al mio perru jejeje  y si los de la the World Beer Cup and the World Beer Championship dieron-y la medalla de oro a la meyor lager europea nel 2000 y la de plata nel 2001 oye, será que tien algo ( lo que cría la boroña, cagon tal,,,)

KALNAPILIS ORIGINAL

tipo: lager

fermentación: baxa

alcohol: 5,0%

Notes de Cata: Fresca,y con  regustu amargu que a mi préstame. Posiblemente la más “Checa” de toes les llituanes que probé  y una bona acompañante pa’ tables de quesos y  tarde de Trivial con los collácios y collácies. Como apunte interesante pongovos el enllaz a la páxina web, tou un festival de modernidá y 3G que incluye una jukebox con éxitos del más actual pop bálticu asína como la historia de la marca: www.kalnapilis.lt

KALNAPILIS 7.30

tipo: Strong lager

fermentación: baxa

alcohol: 7,5 %

Notes de cata: Forte n'aroma, alcohol  y amargore, forte como un tapón de Sabonis. Ya vos lo digo, tomes dos y metes triples dende'l mediu campu. Ye pa tomar mientres llees coses sobre Lituania y viaxes con la mente mirando l’atlas mundial ( en papel eeeeh!!!) acabé tomando otra y poniendo un videu de Barcelona 92, cuando la meyor Lituania,  de toos los tiempos recibía el nome de ·The Other Dream Team" Qué talentu aquel de Valdemaras Homicius, Sarunas Marciulionis, Arvidas Sabonis y Rimas kurtinaitis!!  Qué Antolóxica  la camiseta de Grateful Dead pa recaudar fondos-andaba la Federación escasa de parné, dicen,...tan antolóxica como la cogorza que,  tamien dicen, garró Sabonis, na cellebración jejeje

P.S: Y viaxando con la mente... y viaxando de comedia acabé topando a esta chigrera nun Pub de Vilnius la cual sirviome delles cerveces y contome "no-se-qué" de praos inmensos, playes báltiques, Solsticios de branu, platos llenos de Koldunai y Cepelinai y rises, munches rises Puxa Lituania. Picaruelu Again..

Dende Portugal a Cái, pasando per Castiella

Super Bock

tipo: Lager

fermentación: alta

alcohol: 5,6%

notes de cata: Lixera, suave, prestosa. 
Son munchos los recuerdos y los llugares onde fui feliz con ella entre les manes:

Leiria, Lisboa, Cabo da Roca y Oporto n'el añu 99 cuando descubrí Portugal n'un viaxe llocu rodeau de bonos collacios y collacies y  munches rises.

 3 años depués, en Coimbra, Galegas, Condeixa , Pousaflores, cuando Berta enseñóme el país con los sos güeyos y la so alma y conocí a laos sus amigoas. Qué grandes tardes de charra, comedia y Superbock... qué grandes sobremeses falando portuñol o meyor portuastur y fraguando una unión d'amistá sincera. Uviéu, a onde Marta, “a  nosa querida amiga portuguesa”, conoceora de la superbock passao, traerame un barril de 5 llitros con los que invité a los collacios y collacies

A Beira, durante el casamento “da Marta e o Jorge”,, tomando Superbock antes de la boda nun chigre  en Entroncamento a 0,75 centimos el terciu ( ponesme una caxa rapás, fas favor”) 
Portugal sempre n'el coral, sempre.

"EL PRIMER VASO DE VINO ABRE AL SEGUNDO EL CAMINO" ( popular)

Durius
Añada: 2000
Tipo de vino: Tinto.
Zona geográfica: Castilla y León.V.C.P.R.D. de las Arribes del duero
Tipo de uva: Tinto Fino, Tinta de Toro, Garnacha
Bodega: Durius

Empezamos po`l baratu que aparte de baratu  ye muy muy competente…y ye que mal que mos pese a los republicanos, hay otru marqués,  el marqués de Griñón que sabe  abondo de vinos,como bon enólogu y biólogu especializáu na materia, cosa que supo aprovechar y aplicar, trocando a meyor muches coses na maniera de facer vinu n'a Península.
( Salta una vozona na mio tiesta: "Claro ho,  teniendo tol tiempu del mundo pa facer vino asína cualquiera cocina, llegumes la Muyerina.Si trabayara nun facía ni Azpiazu -miticu vinu peleón dee La Caleyina- 
Si poro, replica otra voz más fina na mio tiesta: "hay dellos aristocráticos que  tamién tienen too'l tiempu y dediquense a porculizar y tocar los coyones a la sociedá")
...Bono a lo que voy que divago, jejejjee Pa mi gusto nun falla. Ta bonu, Ye asequible y val tanto pa un rotu como pa un descosíu. Sorprenderavos esti vino de los Arribes del Duero, Zona pergupapa Entre Salamanca, Zamora y la raya con Portugal.(hay versión  en blancu poro nun lu caté). Por cierto, de flipar la Hacienda Zorita. Antigüu conventu reformau en bodega y hospiciu onde pues quedate a dormir y yantar ( o al revés) y ver como se fae’l vinu d’esta bodega. Eso si empeña el anillu de la comunión, merecerate la pena

.

Pardevalles Rosado

Zona Geográfica V.C.P.R.D. - Vino de Calidad Tierras de León

Tipo de vino: Rosado

Tipo de Uva: 100% Prieto Picudo

Bodega: Viñedos y Bodegas PARDEVALLES .Valdebimbre,León

 Torniamos a valdebimbre  una vegada al añu. Ye una d'eses feches n'es que mos reunimos pa merquiar vinu y xintar y aprovechando facemos un viaxe xuntos. O viceversa. Y ye que mio padre y mio madre,  dende que yeremos guajes siempre mos llevaron con ellos  d'excursión  y de viaxe. Siempre yos prestara abondo recorrer la Península, n'especial pueblinos piquinos, con hestoria, famosos per coses siempre peregrines que de neños mos sonaben a chinu y que lluego al crecer foron faciendomos gracia ya interesandonos 
-" D'equí ye unu que tuvo conmigo en colexu internu que se apellidaba...." y dabamos el nome y apellíu y cuntabamos una anécdota descoyonante 
" equí tuviere Machado dando clase" eeh? quien ye esi? decíemos y lluego recitabamos  Yo para tod viaje, siempre sobre la madera.....
"Equí tuviemos de recien casaos, acuerdeste mamina?" Nun me voy acordar, entós? decía mio ma sonriendo, como siempre.
"Equí cómese esto que ta tan bono" sí, sí, vamos parar que además mexome papaaaaa, decía el mio hermanu
Sea como fuere el casu ye que a toos los pueblos a los que ibemos, coincidencies de la piel de toru, había bodegues, cooperatives y denominaciones de orixe, ensin escaecemos de chigres y tabernes varies y paisaxe perguapu.
. 
Valdebimbre, en Lleón, tien una gran cantidad de bodegues onde se trabaya la uva prieto picudo sacando d’ella un excelente rendimientu y produciendo unos vinos tanto tintos como claretes de gran fartura, digo factura.
Estos vino tovía nun son muy conocíos n'Asturies, y eso que tamos al lláu, o meyor dichu, empiecen a ser conocíos agora pero a mi paezme que dellos tienen un calidá que yos permite competir con famosos rosados DOC a una más que interesante rellación calidá preciu. A mi lo que más me presta ye dir a la bodega, ver a la xente del llugar trabayar, charrar un pocu con ellos, ver como hinchen cuando yos emponderes el vinu que faen y yos cuentes que vienes dende Asturies a merquialo. Presta tastialo ellí, in situ,  negocialo -hay que decir en favor d'ellos que siempre son xustos y casi siempre te regalen una botellina o dos -y lluego traer el maleteru enllenu. 
Valdebimbre amás, tien sitios muy competentes pa comer, les famoses cueves-bodegues pero comu solemos ir tempranu pa que nun se faiga eterna la espera a la hora comer, solemos rematar el día yendo pa' Lleón capital a tomar unos vinos y unos pinchacos, enantes d' acabar comiendo en La Gitana, un bar onde ponen una carne a la piedra que espatarra, unes mollejes en salsa pistonudes y unos canutillos de hoxaldre con crema que ni vos cuento. Y pa beber? Prieto picudo Rosado, faltaba más.

Castillo San Diego 

D.O.: Vino de laTierra de Cadiz

Tipo de vino: Blancos sin crianza

Tipo de Uva: 100% Palomino fino.

Bodega: Bodega Antonio Barbadillo

Per casualidá un día pa'una cena en casa nun se quien  llevó una botella de Castillo San Diego y dende esa vegada quedé enamorau d'esti vinu que paez torpe y probe pero, que al  mio entender,  n' esa cencillez ye onde reside la so gracia y la so virtú. Poca  ye la xente a quien-y lu doy a probar  y nun y-gusta.
Lleí,  fae pocu, que esta bodega foi la primeira n'embotellar vinu blanco n' Andalucía, hallá per el 1821.  Y dende entonces, nun paró. De preciu anda muy bien, con  una  de les meyores relaciones  calidá - preciu porque los competiores directos  son más caros poro non per ello meyores( dellos  más caros, son incluso peores   y los más baratos son puxarra) 
 Y ye que esto de los precios ye la de dios, hay sorpreses, siempre les hay, pero  personalmente nun me fio de un vinu de menos de 2 euros y menos si  la botella sea preciosa y la etiqueta una obra d’arte. Nun me salen les cuentes al preciu que ta el vidriu, la uva y los diseñaores gráficos.....
Nun se perqué pero ye un vinu,  ya que falabemos de diseñu con el se me ocurre facer un anunciu pa la tele, un grupazu de collacios y les collacies  n'una terracina  n'una mañana de sol de mayu, rascandose'l banduyu, riendo y viendo la vida pasar con allegría, pero ye verdá que'll vinu y la cerveza ya nun pueden anunciase en TV, salvo que seyas quien toos sabemos.....
Poro bono.... que too esti rollu ye pa' cuntavos que tamos ante un blancazu  coyonudu pa´con una paellina con la familia n'un domingu de calor,  pa´con un arrocín prietu con chipirones, enllenando la boca de granos, o  pa con un pocu oreya y pulpu- aberracióóóón glayarán los mios collacios y collacies galegos jajajajajajjaja , y fasta pa con un pocu quesu azul gochón tipo Gorgonzola o Peñasanta... Vaya fame y vaya sede!!!! Haiga Salú