¿¿Cerveza Asturiana o Cerveza n'Asturianu???

Fai ya unos cuantos años que nel mercáu no sólo asturianu ensin tamién n'el español la cerveza Belenos ocupa un llugar destacáu na modalidá de cerveces fuertes especiales. Belenos cuenta con un diseñu llamativu del que hay que destacar el empregu de la llingua asturiana-n'edición billingue n'español, y les referencies mitolóxiques al dios celta que-y da nome. En lo tocante a la cerveza tamos ante una strong ale  de color amariellu paya, natural y ensin filtrar, con notes destacaes a malta, frutes y un lixeru amargor envuelto tóu ello por un potente ardor alcohólicu producíu por los sos 9 grados de alcohol en volumen. Nada sorprendente ni novedoso desde un puntu de vista pero si más que recomendable si yes de los que desfrutes con esti tipu de cerveza.

La custión que da títulu a esti tema derivase de una serie de comentarios apaecíos especialmente en prensa y anuncios varios en los que se refieren a esta cerveza como una cerveza asturiana. La desinformación y el boca a boca faen que erroneamente esti pensamientu se estienda  llegando a establecer la falsa creencia acerca de l'orixe d'esta cerveza.

Los llazos entre belgues y asturianos vienen de lloñe. Bélxica siempre foi un destinu pa los emigrantes asturianos (ya españoles) -refuxiaos políticos de posguerra, trabayaores especializaos, xente buscando un futuru meyor, etc- onde siempre fueron bien recibíos y onde dellos echaron raíces creando una comunidá per importante. Como resultáu de todo esto hay una serie de conesiones económiques, culturales y sociales muy fortes. España ye unu de los países a la tiesta n'importación de cerveza belga y un segundu paraísu pa los que desfruten con les variedaes d'esti país, qué tanto n'Asturies como nel resto de la península ye per grande. De ahí que el tinu comercial de Belenos nun vaiga descamináu. Agora bien, Belenos  ta fecho en Bélxica per una cervecera belga, con materies primes y calidaes belgas. Sólo la idea y el diseñu son -xunto con la venta y la distribución, asturianos. 

¿Tamos por tanto ante una cerveza asturiana o ante una cerveza n'asturianu?, entrugaréis postreramente munchos de vos. La respuesta ye vien senciella: Belenos ye una cerveza n' asturianu fecha en Bélxica p'al mercáu astur ya ibéricu pero non una cerveza asturiana. Y ellos quiciaes nun mos lo digan per nengún lláu, pero omiten, en pos del marketing y les ventes, esti detalle, tan importante.

Quiciaes la mezcla que dende ciertos seutores se fae xuniendo llingua, cerveza y cultura céltica lleva tamién a engaños a lo hora de enfocar l'orixe d'esta cerveza. Personalmente cánsame bastante esa idealización del Arcu Atlánticu na que se pretende fundar les raices de la cultura cervecera d'Asturies, empobinando la imitación de lo irlandés y escaeciendo que Asturies  tuvo una bona y gran tradición cervecera  propia que puede que muchos desconozcan. 

Asturies destacó como productora de cerveza dende principios del sieglu XX. Estrella de Xixón dende principios de sieglu fasta los años 60 primero  y el Águila Negra de Colloto de 1898 a 1992, coparon el mercáu con les sos cerveces de calidá. Llúpulos, cebaes y agua yeren de procedencia asturiana o n'el so defeutu española. Les miseries de unes directives incompetentes llevaron a la quiebra esta industria cervecera que tanta fama diera a la nuestra rexión: Galicia, Lleón, Zamora, Cantabria y Euskadi yeren dellos de los sitios a onde esta cerveza se mandaba y onde tenía grandes ventes y meyor reputación siendo competencia de les cerveces llocales.


P.S- Belenos cunta nel mercáu con les siguientes variedaes de cerveces:
Belenos Super-Strong golden ale; Belenos de Navidá-ale artesanal navideña y L'Esbardu( el osezno) cerveza con miel. Los tres tipos son cerveces especiales que fairán les delicies de l'amante de la cerveza belga.