Caleyar per Sevilla ( I )

(English Version)
Sol, Lluz y allegría podríen ser tres pallabres que describieren perfeutamente la Ciodá a orilles del Guadalquivir. Como siempre que voy a un sitiu nuéu prestame perdeme pe les cais, caleyar ensin rumbu pa' empapame de la vida que ellí respiren. Hay munches coses curioses que ver en Sevilla pero lo que más me prestó ye que resultome una ciodá afayaiza, un sitiu d'esos que a les dos hores de tar lloñe d'él ya quies torniarVaya esti Sursum Corda con cariñu fonderu a la salú del mio primu el Robe  .Toy en ronda, eh? - y no en la de Málaga. Arsa guaje, puxa 'quillo!!! Barriu de Santa Cruz


...N'una d'eses diba caminando por les estreches cais de la Xudería, cuando atopé abiertu un bar nomáu Las Teresas (Cai Santa Teresa 2, Barriu de Santa Cruz). Barra de maera con decoración cañí-toreros, virxenes y fubolistas béticos. La barra llena d'aceitones, bocarte en vinagre, pimientos y escabeches. Xamones de xabugu colgando en riestres.Entre el fumu la xente charraba, reía y bebía en voz más baxa de lo que se podía esperar. Una manzanilla de San Lucar y unos pimientos asaos con ayu y aceite ficieronme recuperar les fuercies pa seguir caleyando.

Perdíu aldrede per un lláu y per otru, calé a una caí estrecha que desemboca n'otra más ancha y dende onde te mangues na Xiralda n'un segundu.Ellí Vi la terraza, con meses d'eses altes de tar de pie y barriles de vinu Finu La xente amontonada riendo solazaos mientres sorbíen tintos de branu, cañes de cerveza, finos y comíen tapes que asemeyaben riquísimes.

 El bar llamase Las Columnas ( Cai Rodrigo Caro 1, Barrio de Santa Cruz) y supe lluego que ye un clásicu de la zona, con barra antigua alta de marmol y maera, decoracíon típica de bodega con les cubes pal vinu, fotos de ayeri y de güei y música flamenca. Otra manzaniella de San Lucar  pa comparar y acompañar los adobitos marineros que tanto me prestaron.





Plaza Nueva, Tetuan y Sierpes (I)
Una de les coses que dexuru ficieron que me sintiere más agustu ye el fechu que el mio primu el Robe  vive ellí dende fae cuatru años. Fuimos al so alcuentru na famosa avenida de la Constitución y tras los besos y abrazos de reencuetru llevomos a day gusta al alma por dellos de los chigres más típicos de la capital andaluza. Tomamos una cerveza-yo una manzaniella- na plaza de la ilesia de la Encarnación, infestao de xente desfrutando de la tarde nueche del sábadu, n’un bar onde comprobemos que el tintu de branu puede tomase con gas de limón, y que la cerveza pasa de caña a xarra de mediu a la segunda. 

D'ehí caleyando per Sierpes calemos a la esquina de les cais Albareda y Tetuán onde se atopa Casa La Viuda. Ye un sitiu que me prestó muncho. La decoración ye más moderna, fotos de la rexión y botelles de vinu de mil formes y colores. la barra ta atestada de tapes fríes y de la cocina nun dexen de salir ricos platos calientes. La terraza da n'una cai antigua con unes vistes xeniales. Ensaladiella rusa, tortillita de camarones, croquetes de bacalao, berenxena rellena de gambes y chocos (calamares troceaos) fritos ficieron les nueses delicies y acompañaron la charla animada del reencuentru. Los mios compañeros seguíen con la cañita yo truqué al Barbadillo y fuimos felices toos (continuará)