Que Collotu* ye destinu sidreru, d’eso nun tien dubia naide. Pueblu fronterizu entre Uviéu y Sieru ,famosu en su día por tener la meyor fábrica de cerveza del Norte la Península, foi y ye el reductu natural de la sidra del conceyu capitalín y el llugar d’aniciu d'una ruta sidrera po'l de Sieru, que podría ser como sigui: Collotu, Granda, Tiñana, Noreña, El Berrón y La Pola.
Beber bebese to'l añu, en bones cantidaes y sin dase importancia. D’esta coyuntura, d’esti beber sidra ensin forma ni traces xurden idees peregrines ya vegáes, bones y tóo.
Una d’elles ye la de Manolín, L’Escanciaor Cibernéticu, artiluxu q’un prexubiláu del pueblu diseñara fay un añu y que ya ye un miembro más de la comunidá sidrera collotense. Al llegar el tiempu les espiches-postreros díes d’abril y aniciu de Mayu- l’androide escanciaor sacase a la cai pa facer una espichuca de beneficiencia** , tomar unos culetes, echar unes cantaríes y facer comedia. Haiga salú y meyor aniciu de temporada sidrera.
Una d’elles ye la de Manolín, L’Escanciaor Cibernéticu, artiluxu q’un prexubiláu del pueblu diseñara fay un añu y que ya ye un miembro más de la comunidá sidrera collotense. Al llegar el tiempu les espiches-postreros díes d’abril y aniciu de Mayu- l’androide escanciaor sacase a la cai pa facer una espichuca de beneficiencia** , tomar unos culetes, echar unes cantaríes y facer comedia. Haiga salú y meyor aniciu de temporada sidrera.
*Colláu Altu>Coll'altu>collotu.
**Po lo xeneral pa'l viaxe d'estudios de los guajes.
(Pa oyir bien el videu subi-y la voz al reprodutor que lo que diz nun tien desperdiciu)**Po lo xeneral pa'l viaxe d'estudios de los guajes.
P.S.- Hubiesemos agradecío que la grabación de lo que diz el nuestru rocíncyborg tuviere n'Asturianu pero bono, habrá que suxerilo a so "padre"
5 comentarios:
Nun lo puse nel post acordeme agora....
Ya hay una nueva llista de enllaces,depues de muncho escoyer entre los que merecíen la pena esos del encabezamientu sidreru/about cider son los sitios más curiosos pa lleer coses sobre sidra...pa tomala cualquier de los milenta chigres y sidreríes q'hay pe'los pueblos y ciodaes
Haiga salú
nunca nun lu había visto en movimientu, ta meyor fechu de lo que a simple vista parez.
Ya veo que tamién te da pel youtube.
Y agora que entama el bon tiempu ye hora de dir de ruta peles caleyes de tiñana.
Jejejejeje
Lo único que fala na más que en español, faltay el software n'asturianu
El yetube ye muncho yetube jejejejeje
Haiga salú
Cagon tal, ¡vaya bueno! pero mete un poco miéu, paez sacáu d´una película de terror...
Si lu vieres de verdá flipabes, de lloñe y per detrás paez un paisanu del tóo....y pa enriba paezse a un de Colloto, pero nun lo tomo muy a bien jejejejejeje
Por ciertu, ¿Qué tal vas?
Haiga salú
Publicar un comentario