Glayía Cerveceira: #2

 Glayía seconda
Comu dixera Jean Van Roy n'una intrevista-al ver al pseudoreporteru coyer apuntes mientres tomaben un vasu:  " la cerveza ye pa bebela, non pa escribir d'ella" asina que faciendo-y casu a quien sabe más que nos, marcho pa'l chigre. Haiga Salú

Haiga Salú n'el Nuéu Añu

Comu cada vegada per este feches, quedame deseyavos un bon añu a toús, a los que táis alrodiu y a los que táis lloñe. Quiersevos abondu. Haiga Salú// Once again, I Want to wish a  happy Hogmanay -New Year- to you all, my friends, at home and abroad. Love you a lot. Best wishes and Live!!!!















P.S.- Créditu del Poster de Black&White ltd, Diageo UK. Gracies Fonderes//Poster taken from Black&White ltd, Diageo UK.Thank you very much.

Alrodiu'l Whisky y una de Ken Loach

Decíame un chigreru l'utru día " a mi onde tea'l Güisqui que se quite lo demás". Home, ye una forma taxante d'espresar una preferencia pero nun voy decir que nun tea en bona forma d'alcuerdu.Prestame abondo'l whisky y toes les sos variedaes (whiskey, Bourbon, Whiskey de Tenessee.... ) Nun ye que sea unu un purista en la materia- nun cuaya conmigo lo de ser purista de nada salvo del llema, "Bebe y dexa beber"- pero sí ye verdá que cuando me presta una bébora o una xinta, un canciu, una película o un llibru, trato siempre de lleer, entrugar, y buscay los oríxenes y la evolución. N'el mundu del whisky hay detalles que se alvierten diferenciaores y que en muches vegáes omitense, falandose en xenéricu de reallidaes diverses.

 Nun fae muchu tiempu atrás apostaba un collaciu de trabayu que'l  Jack Daniel's yera Bourbon. Yo dixe-y que non, que yera Whiskey de Tenessee, y el venga apostar y perxurar. Fasta que-y truxe unes muestres de cuales yeren les diferencies
. Nun hay cosa que más gracia me faiga q'un apostón que nun atiendi, ou otru que fina per decíte aquello de " bono, pero pa entendenos ye lo mesmo" . "Nooooo, maaaaal" ¿qué coyones va a ser lo mismo? ¿ye lo mesmo una mula qu'un burru?. Son parientes, pero nun son lo mesmo.
 Esta forma de comparar, de glosar y de meter todo n'el mesmu sacu dase abondo entre más d´un coleutivu de la gastronomía y la hostelería, y toy viéndolo dende fae tiempu en blogs cerveceros  que leo y la verdá ye que roza la ridiculez, especialmente cuando lo comentes y te responden pixaes del tipu la que vos decía...
Bono, torniando al tema, préstame el Whisky y atendiendo a ello, recoxiera una taxonomía asína d'andar pe'l llar, onde queden espresaes les diferencies d'esta bébora tan xenial. Diz como sigui:

  De Whisky, Whiskey, Bourbon y Tenessee's.Unos apuntes d'andar pe'l Llar ya los chigres 

Escocia

 Whisky de malta Escocés (Scotch Malt Whisky). El primu borrachu de la cerveza. Faese sólo con cebada malteada, que se seca con fumu, xeneralmente usase la turba pa da-y esi sabor caralterísticu, faese el wort  mosto cerveceru-claváu al de la cerveza, fermentase fasta los 10º% de alcohol per volume, averadamente,  y depués destilase n'un allambique tradicional de cobre ( nomáu Pot Still)  un par de veces. Lluego d'eso métese a reposar en barriques de roble un mínimu de 3 años a partir de los cuales la edad final ya la marca cada destileria.
Les Barriques son un capítulu a parte y dan fasta pa una entrada entera. Usase Roble español y americanu y como cunta esta otra hestoria de les barriques . Resumiendo lo tradicional ye usar barriques de roble español  que hubieren contenío vinu finu de Xerez anque tamien se pueden usar barriques de roble americanu que hubieren contenío bourbon o Whiskey de Tennessee.

Dientro de los whiskys escoceses de malta faénse tamién diferencies, verbigracia:

• Single Malt: Whisky de malta de una sola destilería.
• Pure Malt: Whisky de malta resultáu d'amestar whiskies de malta de dos o más destileríes.

Favoritos recomendables: The Balvennie,The  Glenfiddich, Orkney Island's Highland Park....

• Whisky de Granu escocés (Grain Whisky): Pa facelu usase granu de trigo y de maíz principalmente, y una porción de malta de cebada. Destilase en los nomáos allambiques patente o allambiques de Coffey ( patent/Coffey Stills) que permiten una destilación continua. Con esti allambique produzse fasta 6 veces más whisky que con el pot still  lo que permite atender la demanda del mercáu más fácil. Ye un whisky más cenciellu, como más d'usu diáriu.

Favoritos recomendables: Xeneralmente los de granu faense pa lluego vendelos a otros destilaores pa facer los amestaos pero si atopáis de granu   el the Famous Grouse  o el  de Whyte and  Mckay  probáilos que son prestosos.

• Whisky Amestáu (Blended): Ye el resultáu de mezclar whiskies de malta con whiskies de granu pa tener whiskies asequibles con carálter particular.  La mecigalla por lley, tien que tener entre el 10 y el 50% percientu de malta de cebada. Comu todo n'esta vida hay clases ya distinciones y ye por eso que ciertos blended conviertense en premium  y  alquieren mayor calidá y sabor usando per enriba del 63% percientu de malta de cebada ( ye el casu de Chivas, Johnnie Walker etiqueta prieta y azule, JB 8 years, por nomar los más conocíos) fechu que los fae tar un pasu más cerca de los Malt.

Favorito recomendables: Johnnie Walker, Famous Grouse y  Ballantine's entre los blend normales y de los premium los nomáos enantes Chivas, Johnnie Walker etiqueta prieta y azule, JB Reserve 8 years, Dewar's 12....


Irlanda
El  Whiskey irlandés  (Irish Whiskey, ya que n'inglés d'Irlanda escríbese siempre con e) tien la so idiosincrasia particular n'el tratamientu del granu  o la guarda en barriques, pero ensin dubia, la marca llariega, lo que lu fae únicu ye  la triple destilación.
Pa facer el whiskey usase siempre una parte de malta de cebada y proporciones axustaes, según la destilería, de trigu, avena y cebada ensin maltear.
Per otru lláu cuando se seca la malta, nun se dexa que el fumo de la turba entre en contáutu diréutu con el cereal, faciendo asína que el sabore y l'arume seyan diferentes. Per lo cabero, poro non  lo menos importante, el llicor destilase, xeneralmente en still pots (Alambique de columna) aunque tamién se usen los allambiques continuos en según qué destileríes.
La destilación, como anunciabemos enantes,  repítese fasta  tres veces lo que-y confier potencia ya  la mesma vegada soavidá. Un mínimu de 6 años son los que tien que pasar esti whiskey en barriques de roble ( que hubieren contenío enantes xerez o ron) pa poder salir al mercáu.  Depués d'esos años el llímite de guarda ya lu pon la destileria.
 Dientro del Irish Whiskey tamién atopamos  diferentes variedaes:

• Pure Pot Still: Sería el equivalente a los single malt. Pa facelu usase malta de cebada y una pequeña proporción de cebada ensín maltear.
• Malt: Sería el fechu exclusivamente con cebada malteada y un mínimu de 7 años en barrica.
• Straight: Onde entre los cereales usáos predomina unu per lo menos en un 58% sobre los demás( per lo xeneral, la malta de cebada)
• Blended Whiskey: Una mezcla de whiskeys irlandeses que s'amesta de maniera equilibrada con destilaos de diferentes maduraciones  ya n'onde nun predomina negún cereal n'especiale.

Favoritos recomendables: Bushmill (Ten years malt, 1608 irish whiskey), Connerama, Tullamore Dew malt y Tullamore blended

EEUU

la tradición de destilar recoyerunla al otru lláu del charcu, principalemente n'EEXX, de bona gana y con bon tinu.Ye per eso que, entre unes cuantes variedaes, tenemos que  facer distinción de los  diferentes Whiskeys (tamién con e)  que s'ellaboren n' Estaos Xuníos:

Rye Whiskey:Podríemos mentar al centenu como el cereal pioneru con el que los yanquies aniciaron a facer la so versión del whisk(e)y que yos llegare de les islles britániques.  Per llei tien qu'ellaborase con un amestáu de granu que contenga del 51% al 80% de centenu  siendo el restu  maíz y cebada malteada en proporción varia, según cada destillaor.
Facíase en pot still lo  que-y daba un toque reondu al llicor. Una vegada destiláu, Metíase a reposar un mínimu de 2 años en barriques nueés de roble americanu que previamente yeren quemáes per dientro. Si en vez de dos años lu dexaben el doble, nomabenlu Straight Rye.
La caralterística d'esti whisky yera la suavidá y les notes especiaes y afrutaes que produz el centenu. Típicu de los estáos del Noreste (Nueva York, Ohio, Pennsylvania, Maryland...)
Toy falando d'el en pasáu perque el declive vieno con la llei seca que truxo un cambiu na materia prima. Durante esta época, Empieza a destilase con maíz, mucho más abundante y más baratu pa la destilación illegal y el contrabandu, y los destilaos que veníen del sur empezaron a arrinconar, fasta casi facelu desapaecer. Faerá unos 30 años que se recuperare y  s'asentare de novu n'el mercáu llocal. Güey, el Rye  Whiskey considerase un tragu finu que ta a la altura de munchos whiskies de malta.

Favoritos recomendables: Wild Turkey Rye, Bulleit, Sazerac Rye, Catoctin Creek ( Jim Bean, Four Roses e incluso Jack Daniel's tan faciendo Rye whiskey tamién abondo curiosos)

Bourbon:  Recueye'l nome del condáu de Bourbon, en  Kentucky, d'onde ye orixinariu, anque nun per ello la fechura de Bourbon ta restrinxida a esti estáu,  ya que puode ellaborase en cualesquier parte de los Estáos Xuníos, eso sí, sólo los fechos en Kentucky pueden portar el nome Bourbon de Kentucky.

Pa que'l Bourbon seya consideráu como tal tien que contener entre el 51 y el 79% de maízu mezcláo con otros cereales, siendo los más usáos el trigu y la cebada malteada, asína como en dellos casos, el centenu.  El destiláu final nun puede sobrepasare los 80%  de alcohol per volumen y tien que reposar en barriques de roble un mínimu de 2 años. Si en llugar de dos, pasa cuatro años reposando,  denominase Straight Bourbon, La barrica también tien el so aquel, perque tien que ser de roble xoven y non tar usada y per dientro pegáse-y una chamuscada enantes de enllenálu.

Favoritos recomendables: Maker's Mark, Jim Bean, Four Roses, Bulleit Bourbon...

Whiskey de Tennessee: Faese con un amestáu de granu nel que'l  maízu tien que ser el 51%, destilándose a 80% de alcohol per volumen y añexáu entre 2-5 años en barriques de roble nueves y recién chamuscáes.
Enantes d'embarrilase, el destiláu sometese al nomáu Lincoln Process ( porque ye orixinariu del condau de Lincoln) que nun ye otro que pasar el líquidu  per carbón d'arce sacarosu  ( el mesmu arce del que  se saca el sirope) lo que-y da el carálter suave y melosu que lu diferencia del Bourbon y de otros whisk(e)ys yankies.

Favoritos recomendables: Jack Daniel's, Dickel's, Benjamin Prichard's ...

Curiosidaes: 
 La mayoría del  whisky mézclase con agua nel embotellao pa' que salga al mercau a los 40% grados establecios de alcohol per volumen. Ensin embargu hay una parte nomada Cask Strength  que ye un whisky que s'embotella con la graduación orixinal na que ta nel bariil ( suele ser unos 65%) y onde se aprecien de manera direuta los sabores primarios del contautu alcohol/maera

 ¿Whiskey o whisky? o que fue primeru el güevu o la pita?- Con e pa los Irlandeses que reclamen la i nvención o descubrimientu del "usquebaugh" o water of life, sin ella pa' los escoceses que reclamen que ellos ya lo facien antes de que llegaren los monxes a la illa d'Iona. Seya como fuere les doe versiones del agua de vida tan coyonudes

Scotch or not? Sólo y per normativa llegal vixente se pueden nomar Scotch a los whiskies producios en Escuecia.

Candy Candy,Carambelu.-  N'Escocia ya Irlanda añadíos o adxuntos en forma de carambelu pa dar color pueden usase-aunque nun sea muy común, siempre, eso sí,  que seyan naturales. Pa'l Rye, pa'l Bourbon y pal Tennessee Whiskey ta prohibido.

.....Per ciertu lo de Ken Loach ye por la grandisima pelí que fizo agora títolada  Angels' Share ( la parte de los anxeles que  ye como se noma a  la cantidad que añu tres añu va evaporándose na barrica) y que maxistralmente toca el tema de les posibilidaes d'un malandru que acaba topando el so llugar nel mundu gracies al whisky.

Bibliografía:
http://www.whisky.com/history.html
Michael Jackson's Malt Whisky Companion,
Whiskey: The Definitive World Guide Michael Jackson
http://www.northbritish.co.uk/
http://www.tennesseewhiskey.com/
http://kybourbontrail.com/- La ruta del Bourbon
http://www.irelandwhiskeytrail.com/home.php

Viaxar

"Viaggiare é molto piú bello che arrivare; almeno in quello effimero áttimo in cui la mácchina, il treno o le scarpe ci mancano" Giulio V. Corse
("Viaxar ye abondo perguapo q'arrivar al destín, per lo menos n'esi efímeru momentu n'el  que sientese señaldá per el coche, el tren o les propies botes")

Visto n'una muria del cascu vieyu de Torino fae 10 años- per lo menos- y   firmao per un tal Giulio V. Corse. Quiero imaxinar que esti grafiteru poeta  refierse a la guapura y lo prestoso que ye tar en tránsitu, almirar el paisaxe en movimientu, yo que se, prestome abondo la frase y recordela agora que tamos a puntu d'aniciar un viaxucu deseáu fae tiempu. Haiga Salú

XXV Certame del Quesu Casín Na Collá d'Arniciu

Col quesu pásame lo mesmo que con la cerveza, per un lláu, prestame abondo y cada vegada doy lo que seya per probar algo nuéu, venga d'onde venga, per utru nun se si sería quien a nomar unu favoritu. Si fora asína, el quesu Casín sería unu d'ellos porque préstame la forma na que se fae dende tantu tiempu atrás, per textures, per sabores-el so amargore, el so  picorín son únicos nel mundu.Ye un quesu vieyu, abondo vieyu,  y ye un quesu que rapresenta meyor que nada la cultura d'una tierra y sólo por eso ya ye motivu d'un homenaxe y d'un certame que dende equí vos recomiendo porque esa tierra merez la pena visitala ya esfrutala y porque el quesu en sí mesmu ta coyonudu, ya lo dixi. Vemonos ellí.Haiga Salú.

Festival de la Cerveza de Avilés

Una vegada más,un añu más y van dieciocho, sobren les pallabres, el Pioneru n'Asturies que Haiga Salú. P.S.- Vemonos ellí

I'm a Rocker, I'm a Roller. Pretending Lemmy

Esti post nun tien que ver con la cerveza, ( aunque nun ye del tóu cierto son les 11 la mañana y toy tomando DAB mientres escribo) pero si con el conceutu de Bon Bevant que tanto mos presta. N'una d'eses nueches de branu, equí p'atrás,tuviemos una epifanía d'eses que tenemos de vez en cuandu. Enfrente d'una botella Bourbon, un refrescu d'esos famosos, unos Davidoff y de fondu sonando rocanrol creímonos Lemmy per un canciu o dos.Haiga Salú

Cerveza asturiana o Cerveza n'asturianu (II): ToliviaFest

Agora sí puede decíse que hay cerveza Asturiana y n'asturianu. El sábadu 7 de Xunetu a partir de les 12 del mediudía tendremos la oportunidá de comprobalo nel primer festival de la cerveza artesana entamada per la Asociación Cultural El Cascayu y que se cellebrará nel pueblu llavianés de Tolivia. Vemonos per ellí ensín dubia y meyorando lo presente. Haiga Salú

Imaxen sacada de Asturias de Fiesta. Tolos derechos reservaos

Glayía Cerveceira

Glayar= N'asturianu, gritar, chillar, dar voces de atención. El verbu paez una derivación direuta del nome Glayu que ye comu se noma n'Asturies al garrulus glandarius o arrendajo común. La glayía o el glayíu ye la aición o efeutu de glayar y la mio versión asturiana y n'esti casu cerveceira  del cellebre piar ( tweet) de los gringos.

Glayía primeira: " Duelme a la vista ver cartelos que traigan "Oktoberfest en Xixón" nel mes de xunu, paezme ridículu ya inda más cando les cerveces que se ufierten son les de Heineken, Amstel y demás puxarra... Tan dificil ye escribir Festival de la Cerveza, aunque lo que vendan sea basoria???" Chela

Un añu y picu

....Edina Language Centre(ELC) facer lo que quies, arriscar y nun triunfar; escambiar de palu entrar en  Teltech, Iris Doppio Malto Artesanale,formación en televenta en  Madrid y Cafekee, Oldenburg  y L'Europe; llegar a Uviéu y Früh de Colonia a 1,25e, Avilés,  El Cabanón y  Maruxa; parar un día nel Paco's y acabar mamaos de tomar Mikkeler y De Molen: aniciar a trabayar en Naguar, fogoniando again dos años depués: cortar,pelar, llavar, sofreir, salsear, emplatar. Lúpulo Feroz y el so Festival de Cask Ale Great!!!, stress, axustes, recetes, postres, pinchos y más salses, pan con especies. Vivir y Beber en Lluanco, La Marina y  doce na Tabierna de Hank, Chipirones fritos ensín llimpiar. Llorar de contentu al ver Thornbridge por fin na península( faltame Dark Star pa' seguir dando muestres). Fogones, barru na cocina pero facer lo que quies y lo que te presta siendo feliz. Mantega d'anchoes. Marchar pa Llaviana tar con los güelos y los collacios d'ellí, desconeutar. Torniar pa ver que sales faciendo el boborolo en Canal Cocina ( restu de 8 años faciendo de animaor pa guajes). Four Roses Cocacola, Jim Bean LLimón, Jack daniel's con Ginger ale. Cursu de pescaos y mariscos meyorando lo presente,  Espiches vacances: Burgos, la so ruta pinchos,Mesón Don Pancho y sus Cojonudas, atopar  no males cerveceries. La Guardia   impresionante Hiruko y el so  pinchu de entripao con cosecheru de verdá y les bodegues El Fabulista; El Ciego y cerveza Baias, presta abondu un tragu malteáu y lupuláu entre tanta uva. Logroño ruta los Elefantes na cai Lloréu( calle Laurel). Juan y Pinchame; Clarete y brochetes de gambes con piña. Chigres y  champiñones a la plancha. Cai San Xuan, calimotxu y  faxolu de callabacín. Viana y Naparbier a 11 km de Logroño. Torniar.  Llegar a Gasteiz y atopar una cervecería nomada Kitsch que taba piesllá ;matar zapera con los pinchos del Toiño y la Malquerida( entre otros que agora de memoria escaezo). Bilbo y la so Aste Nagusia, grande onde les haiga. Txiriboga con  Kroketa y Txacolís,  Pintxos y Krusovice en el Berton y el Bukoi. Mil docenes de pintxos más y enamoráu de Bilbo. Torniar y San Mateu entre fogones. Xente fartuca. Escapiar unos díes pa Santiagu de Compostela; Galicia Calidade: Abastos dos punto cero, Curro da Parra, pub Atlánticu, Cerveza San Amaro Acoyonante la Pale Ale. pulpería Os Sobriños del Tio. Xente de lo meyor. Reencuentru en Viveiro de 3 buen@s collaci@s. Costa Lucense, Estrella Galicia de Bodega, merluza de Celeiro, caminar baxo l'orbayu, rises y Xueves de la tapa nel Pizzburg y los sos idees. Más Fogones, descansar n 'Avilés comer y cenar nel Llamber y la so particular y rica cocina. Nochevieya de menús de navidaes, cocinar a tope y facer felices a la xente. Añu nuéu, Fogones vieyos.  la mio prima vieno de Alemaña y comemos xuntos nel 180º y la so cenciella y prestoso moderna cocina. Sint Bernardus Prior a 3, 60e  nel Chili's en Xixón, cerveces entre fauna divertía. Oricios y cachopu  con Nahuel na Mar&Morena. Cacharros y cerveza Afumiada Nel Deuschtland o la Alemana según como se mire,  Rotherbräu, Aktien Brauerie, Mikkeler, Cantillon, ProperJob, Birrificio del Ducato....5 años de Lúpulo Feroz torniar  con la frente marchita acodase na barra y sentir que tas en casa. Mas Trabayu, más fogón, más mases, más recetes, más salses,  más xente. Normalizar la vida,  tomar DAB pils  abondo en casa,  descansar xunto al mar o na Cuenca el Nalón  pasando por L'espumeru pa ver que sigue siendo un grande, torniar al bar, al blogue, abrir una Tribute Ale de Saint Austell pa cellebralo, torniar ya tar equi un añu y picu depués...Haiga Salú.

Cask Ale n'Asturies//Cask Conditioned Ale in Asturies

Anuncia CAAC y dende equi facemosnos ecu con allegría, de l'arrivada de real ale en barril a Asturies , una grandísima noticia pa tóo l´aficionáu a la cerveza en xeneral y pa los amantes de la ale británica en particular. L'iniciativa cuerre a cargu del trabayu incansable del Lúpulo Feroz , añadiendo el so particular granu d'arena a la cultura de la cerveza de la nuesa rexión, siempre atentu, per traer coses nueves y bones. N'esti casu tratase de arimar un barril de cask ale a tierres asturianes, algo siempre delicao-dellos comparenlo con el fechu de portiar sidra asturiana fora d'Asturies, ya que trátase de una cerveza natural, ensin filtrar, ni pasteurizar, que termina de facese nel propiu barril y que per ello, cunta con una vida curtia, preciu que hay que pagar per tomar cerveza con matices, sabores y golores únicos n'el mundo. Comu decíemos, el vienres 18 podréis desfrutar d'ello, na Cervecería Lúpulo Feroz d'Uviéu.


La cerveza que se ufiertará será Kent Best de la casa Sheperd Neame una de les cerveceres más antigües d'Inglaterra y de les más respetuoses con la maniera tradicional de facer cerveza ale en UK. Ensin dubia nenguna per ellí taremos pa' poder disfrutar d'un auténticu luxu que dexuru será un éxitu.Haiga Salú// We've read it in CAAC, a firkin of Cask Conditioned Real Ale, has arrived to Asturies, a fantastic piece of news, so long awaited for. The event is being developed by Lúpulo Feroz, who's always ready to add a tiny(enormous) contribution to our beer culture, offering Kent Best in cask conditioned at his Pub, date this Friday 18th of March. Kent Best is in the porfolio of Shepherd Neame one of the oldest breweries in England whose efforts in favour of the respect of Real Ale are well-known in UK's beer culture. As you should Know, cask conditioned ale is a natural beer, unfiltered and unpasteurised that referments in its own container( a cask in this case).Due to these characteristics the ale it's full of flavours, aromas and nuances unique in the world of beer. A toast for this event, we'll be there of course, enjoying and sharing this exciting moment. Best of Lucks. Salud!!

P.S.- N'os enllaces pertinentes podéis topar breves definiciones de lo que ye la teoría de los conceutos Real Ale, Cask Conditioned ale y ale en xeneral, pa' la práutica ya sabéis, al chigre de cabeza jejeje

Semeyes: Imáxenes de Chela para Sursum&Corda y Chela para CAAC respeutivamente, toós los drechos reservaos acorde a legislación vixente Creative Commons

A Santamaría

Fae un par de díes que morría un de los cocineros que más me prestaba y anque tovía seya pronto pa damos cuente, la pérdida ye irreparable.Enorme como el legáu que mos dexa, Santi Santamaría prestabame y prestame per varios motivos: per personalísimu, -yera totalmente autodidáuta, per comprometíu con el terruñu- taba apegáu a la so terra y al llar de vieyo, y per moldeaor-facía de lo cenciello algo relevante, pasandolo per un colaor propiu onde lo xuntaba con la creatividá y la téunica que atesoraba. En fina, yera capaz de coyer la cocina d'ayeri-esos sabores que queden fixaos na tiesta dende guajes- y amalgamala de tal maniera, dando-y una tornia más, fasta ponela y llevala al llugar onde se merez. Llevanto'l vasu** y la cuchara n'esti casu, a la so memoria que de xuru seguirá presente n'os fogones de Can Fabes.


* *Atopandose Sant Celoni n'es estrimeríes del Montseny una cerveza de la zona paeciome bon homenaxe







Imáxenes: la primera semeya ta tomada prestada del diariu la Vanguardia y aparez tamién nel blog menalcas.blogspot.com La segunda ye propia de Cotoya para Sursum&Corda. Tóos los drechos reservaos.

Madrí, Pa mí

Depués de tres semanes pa'llantre y pa'tras trabayando entre Madrí y Asturies y de nun ver más que los suburbiales madrilanos, mención Honorífica al Bar El Arco de Rivas VaciaMadrid, esta selmana pasada torniamos a facer utru cursu y finamos escapando pa´ dar una turné pe'l centru del Foro. Ya conocía estos chigres pero dau el tiempu co'l que cuntabemos y sintiendo que les compañíes que llevaba nun sabíen nengún llugar meyor calemos primero n'el Naturbier de la Plaza Santa Ana y depués, tiramos fasta l'Arcu Cuchilleros, Na Plaza Mayor, recaliando ne'l siempre recomendable Cafeeke onde cerveces, quesos y un perru mos ficieron la tarde más agradeble arrivando al hotel a l'escurecerina felices como que se yo qué. Haiga Salú

















P.S.- Naturbier sigue siendo un desastre de organización y de serviciu, anque la cerveza ta bona, pero podía meyorar una migayina, Magister el otru brewpub que ta alrodiu d'esta, na Cai Principe, taba piesllau, apagao o fora cobertoria y Cafeeke, tien la capacidá de convencer a un Belgófobo como yo, y traer un pocu del Benelux a Madrí, con lo que nun digo más



Les semeyes son la primeira y seconda míes, sacades con el celular y la tercera, la del Cafeeke como taba ensin batería tan tomadas del Web Cafeeke en carallibru y de yunai.com,todos los derechos reservados acogido a Creative Commons y el copyright pertinente.

Bon Añu a la Xente

Un deseyu de felicida, un tragu de querencia pa' vos xente bono. Haiga Salu












Imaxen cedida por whisky Black&White (Diageo, Longmorn, Elgin,
Morayshire, IV30 8SL Scotland) baxu acuerdu puntual de Creative Commons. ImaxenSuxeta a la Lley de de privacida pertinente, todos los derechos reservados, prohibida toda reproduccion, copia o trato comercial sin previo consentimiento de la firma.

A Enrique Morente Per sempre

Esta va per un grande, per unu d'esos pocos xenios que con solo una cancion son capaces, son capaces de facer soñar, son capaces de facer sentir yq ue representen una forma de entender la vida y la musica que ensina mesma ye una revolucion. Per sempre con nos maestru, esta va per ti.

Llupulu de Carrizo en Carrio

Durante les decades de los 60 y 70 tuvo el Llerón de Carrio ( Llaviana), na parte que se noma La Focariella, una plantacion pergrande de Llupulos que xurtia a la industria cervecera asturiana. Más de 30 años depués,el pueblu de Carrio*, tornia a tener llupulu, tresplantao dende otru pueblu ribereñu, Carrizo*, n'a oriella del Órbigo, y florecíos guapamente n'esti pequeñu huertucu de la Cuenca del Nalón. Habrá que pelalo y da-y bon usu. Haiga Salú

* y ** Carrio y Carrizo, los dos a orielles de rios per importantes pa la vida, asemeyase interesante la etimoloxia de los dos nomes y la so posible coincidencia. Lleendo y entrugando per ehi vi dos posibilidaes que me parecieron cercanes.Per un llau ta el prefixu celta,car-, que significaba camin pedregosu que va hacia... , nesti casu hacia el riu, podemos pensar tando les dos poblaciones a oriella del Nalon y del Orbigu, respeutivamente. Per otru llau, apaez nel llatin medieval la desinencia carris que indicaba separtar, devidir pero tamien vadu y pasu, lo que tien la so loxica teniendo en cunta el caralter de llinea divisoria que tienen na mayoria de les vegades los rios.¿Coincidencia?¿chiflaures? puede ser ....

A un home Bonu

Nun puedo por mas que tar murniu perque ayeri morria un home bonu, ayeri morria Jose Antonio Labordeta. Un exemplu y un maestru pa munchos, un referente que al menos a mi fixome, faeme y faerame per sempre pensar y sentir.
Un cachu de ti seguira caminando llibre con nos....per ello risco'l mio vasu

Brit Pop ( food)

Dellos de los mios cocineros favoritos son británicos. Esto puede sonar raro y más si son tan mediáticos comu Simon Rimmer, Gordon Ramsay y Jamie Oliver.
 Dexuru que habréis sentío milenta vegaes eso de que los británicos comen mal, que los inglesonos nun tienen cocina propia, que si tal que si cual.
Lo primero nun ye del toó mentira, porque los británicos, salvo en casa o los domingos( con el famosu Sunday Roast, Asado de domingo), comen mal pero básicamente perque nun dediquen tiempu, desayunen apurao, almuercen un sandiche y una bolsuca pataques, n'el meyor de los casos tomen sopa o una ensalada, y lluego si se alcuerden, depués de la Happy Hour, si eso cenen, unes patates o un fish and chips rápidu y a la carrera. Esto OBVIAMENTE, ye una xeneralización exaxerada pero nun penséis que ta lloñe de la realidá. La mayoria dea xente ta muy ocupada per selmana como pa parar a comer daqué que yos lleve tiempu.Asína la so ingesta reduzse a bocadiellos, sandiches y coses rápides y liixeres,dexando'l placer de la comida, normalmente, pa la cena.
Ensin embargu, si rascamos un poco veremos una cocina muy curiosa, con platazos ya ingredientes cenciellos y cercanos pero abondo bien combinaos. Una cocina de ellaboración, con un respetu al productu per interesante. Sempre me chocó de la cocina britanica,  el comu presenta, cuasi al desnudu, los sos productos un par de técniques, siendo l'asau en lo que más destaquen, presentaciones xustes y a correr. Paezme xenia'l puntu de coccion de les verdures  que usen de guarnición - dar valor a una tristaya cenhoria y gustu a unos arbeyos machacaos, tien el so méritu,.Los asaos de carne son simples pero nobles,  con pocu aliñu, dando protagonismu a la carne en si. Si lluego quies más sabor ya te ponen el gravy ( esa salsa espesa fecha con los xugos dela carne, les verdures, algo de alcohol y mucho de fécula). Los pescaos al fornu o fritos,  siempre van en su puntu, por nun falar de les mases pa’ pasteles y empanaes, onde destaquen y son abondo precisos quiciaes per aquello del apegu a lo  tradicional. Perque si d'algo peca la cocina británica ye de ser exaxeradamente tradicional, casi diría que ye fasta viejuna.... Coses como freir pescau en grasa de vaca sólo puede pasar en esa islona!!!

A pesar de esi apegu a facer les coses comu antes,  la cocina británica ye permeable y dexase influyir. Dende los tiempos coloniales, la influencia de la India y d'Africa,  ye per clara. N'os caberos 25 años la influencia de toes les cocines foriates que s’asentaron nes sos grandes capitales foron determinantes pa' la evolución de una  nueva cocina británica, si queremos nomala asína.
. N’esto paezme que radica la so versatilidá, la so capacidá pa desarrollase ensin complexos, recoyendo lo meyor de cada cocina y dando-y una vuelta que fae de los sos platos un soplu de aire frescu y accesible ensin escaecer la tradicionalidá de la que decíamos, pecaba.

Descubrí a Simmon Rimmer a travies de los M&M’S, los mios collacios italo-escoceses. Per un cumpleaños  mandaronme el llibru Rebel Cook,un recetariu axilmente redactau, que tresmite entusiasmu y gana de cocinar, con unes semeyes guapísimes, y en definitiva un cantu a al ser llibre n'a cocina, a nun tener llímites na más que los que marca el sentíu común. 

Rimmer ye un autodidauta que dió un xiru a la so vida cuando se fizo cargu deGreens.  L'hestoria, como él msmu cunta, ye curiosa y muy arriesgada, un carnivoru confesu, a los fogones d'unu ,si non el primer restaurante vexetarianu de Manchester. Exitazu de crítica y sobre too de públicu, a pesar de los duros comienzos, lo que y permitió ser llibre y fraguar una carrera abondo guapa. Per ciertu, Nun fae muncho fice la adaptación al asturianu de la so receta del Clam Chowder, esi platu tipicu de la Costa Este Yanki onde l’apiu, el tomate, el tocin y les amasueles faen una sopa única, d'eses de coyer una barra pan y moyar, y moyar..

Gordon Ramsay, descúbrese solu, ye unu de los mas polifacéticos, laureaos, y mediáticos de tous los chefs británicos. También, too hay que decilo,  ye lo  más polémicu  y malhablau, y métese en  bonos fregaos .Detrás de too esa fama y esi personaxe televisivu hay un cocineru como la copa d'un pinu, Un dechau de virtudes técniques pero que ademas fae les coses de maniera prautica y facil. La revision del Shepherd Pie, saquela de velu a él cocinalo na tele. Simple y sabrosa, nun se puede pedir mas, quiciaes los dos adxetivos que describen meyor la cocina británica, anque nun lo asemeye.

Jamie Oliver, el mas xoven de los tres, conociu n’España per un programa suyu de cocina que emitia aquel desapareciu canal, Localia, ye el nuéu valor de la cocina en Reinu Xuniu, dando-y una vuelta de tuerca ensin ugual..A parte de per los llibros y per los programes de cocina, hay que recalcar que perconocía ye tamien la so llabor social. Cunta con un Restaurante en Llondres, nomau Fifteen, onde 'l personal ta compuestu per chavalería en riesgu de exclusión social y otros poblemes varios. N'el restaurante, dayos formación y preparalos pa tener un oportunidá. y una salida llaboral.De fechu muncos queden con él n'algún de los varios restaurantes que tien. AAH y parte del dineru, además de ser usau pa pagar a esta xuventú, ye dedicao a obres sociales. 

Oliver,  tampocu anda llibre de polémiques,.N'ós caberos años, empredió una campaña en pos de la comida saludable en colexos, hospitales y en la sociedá en xeneral., tanto en UK como en USA, que y traxo dellos quebraderos de tiesta. Foi el primer cocineru que puso un pleitu a Macdonalds  en base a la baxa calidá de la comida que la cadenona gringa ofrez..Fanáticu de la comida italiana y española, viaxa per too'l mundu anglosaxón intentando demostrayos les bondaes de la dieta mediterránea. 

A mi paezme que ye un gochu de la virxen, metienndo les manones llenes de aniellos chonis na comida, y  a vegaes vase-y la pinza amecigallando yerbes, especies, salses...toy casi seguru que muches vegaes, les mezcolances que fae son incomibles,....Lo que  ye innegable  ye el puntu de frescura y modernidá  que aportó y aporta, seguimos nomandolo asína, a la nueva cocina Británica. Pa  mi gustu, en lo tocante a los entrantes los sos recetarios son referente, ye un xeniu. Per eso, l’utru dia. decidime a fusila-y la Ensalada Más Sexy. La mezcla de figos, xamón serranu, ablanes, mozzarela, tomate cherries y canónigos aliñao todo con una vinagreta de miel y albahaca fresco paezme espectacular como entrante, nun en vano Oliver nómala la más sexy. Faceyla,  abrí una botellina del vinu que más vos pete y a ser felices. Haiga Salu

La ensalada más Sexy

Figos

Xamón serrano

Noces o ablanes

Mozzarella

Canónigos

Albahaca fresco

Pimienta prieta

Sal

Aceite oliva

miel

vinagre de módena

Ellaboracion

Disponemos les fueyes debaxo y per enriba los cherries cortaos a la mita y la mozzarela en trozos. Facemos un corte a los figos en cruz pero sin desprendelos, de modu que se abran como una flor y ponemoslos per la ensalada y de maniera aleatoria dexamos caer lonches de Xamón serrano. Decoramos con noces o ablanes y la albahaca fresco picao grosso. Pa la Vinagreta: 6 cucharaes soperes de aceite, tres de vinagre, un poco de pimienta prieta y una cucharada de miel, ximielgar too xunto pa' emulsionalo

Tragu de Branu: Cuba-Libre Obreru

Famosu nel mundu enteru, o al menos nel mio mundu enteru, el cubalibre obreru tamién conocíu como calimochu o Kalimotxo per los más modernos, ye una d'eses bebíes que me paecen fonderamente bones pal branu y los sos calores. Bona y cenciella habría que decir perque la receta ye tan simple como echar xelu n'un vasu anchu,cubrílu con vinu tintu al gustu y completar con refrescu de cola. Una cosa que llama la atención ye que non per cenciella esta bebida dexa de tener el so ritual y la so cultura. Fae años que se descute en foros alrodiu de temes como el tipu de vinu, el típu de refrescu, que si la temperatura bona, que si el recipiente apropiáu, etc...

Yo nun se cuala ye la meyor maniera de facelu, pero sí se cual ye la que más me presta: Un vinu razonablemente bonu- un tintu xoven del añu; Rioja, Bierzo o Mancha son los mios preferíos, y refrescu de cola de los americanonos -esi de la chispa de la vida, servío todo ello con tres piedres de xelu en vasu sidra. Tastiáy-lo y cunta-y depués, veréis que ye prestoso, pallabra. Haiga Salú

Noticies Cerveceres: Academia de la Cerveza ¿La CAMRA Ibérica?

Faerá unos diez díis leíase n'un portal d'interné rellacionau co'l mundu de la hostelería que acababa de crease L'Academia de les Artes y les Cencies de la Cerveza n'España. Trátase d'una entidá de caralter privau que entamase con la idea de facer altividaes en pos de caltener la cultura cervecera de la Península Ibérica. L'utru día yeremos precisamente n'un chigre y hubo un que mos entrugó si sería esti l'allumbramientu d'un tipu de CAMRA a la Ibérica.
Who Knows? repliquemos-y otros. Haiga Salú

Podéis lleer la noticia equí: Nace la Academia...