CERVECERÍES D'ALEMANIA

BERLIN II en DEUSCHTLAND FOTEN Buscando el Muru.

CERVECERÍES D'ALEMANIA

Estes próximes entrades sobre bares y cerveces alemanes son la nueva introducción a los nuevos posts sobre el nuestru viaxe a Alemania que se pueden ver en DEUSCHTLAND FOTEN Esta semana: Berlín.

Bares de Ayer Bares de angüañu: DEUSCHTLAND

DEUCHTLAND
Cai Carlos Bousoño, Uviéu
Tamos ante un especialista en cerveces d’importación nel centru de’Uviéu. Chigre de nueva creación y en propiedá (nun ye franquicia) con buena decoración cervecera, que lu fae afayaizu y  agradable, sobre todo l’esquina, si bien,l'ambiente ta per definir, ye abondo prontu perque entre llocos de la cerveza, frikis varios, snobs capitalinos que van porque ta de moda y trotabares como nosotros, vamos configurando una parroquia de lo más diversa y eso presta.  N'esti nuéu chigre todo son ventaxes si de verdá disfrutes de la cerveza. Con un personal que lleva más de 20 años n’esti mundu cerveceru, puedeste fiar sin problemes. El tratu y el serviciu son correctos lo que sin duda anima a tar a gusto. Cuenta esta BierHaus a la asturiana con una extensa carta de cerveces de botella, tanto en variedá como en calidá, donde destaca la buena selección de ales britániques- Whiteshield Burton I.P.A, St. Peter’s Old Style Porter, Marston’s Pedigree, Banana Bread Ale y John Bull Bitter. Por otru lláu, na mio opinión, unu de los atractivos pergrandes que tien son les cerveces de barril que trabaya. Nueve cañeros surten al públicu de una oferta cervecil diversa:
Stout inglesa Bowman, ale inglesa John Bull, lager alemana Veltin’s, Especial belga Special Kriek, especiales belgas Kapitell, Kwak, artesana belga La Chouffe, cerveza de vapor alemana Dampfbier, trigo alemana Maisel’s y bock alemana Einbecker.
Brindamos con ellos pa dayos la bienvenía y deseayos que sigan faciendomos disfrutar de la cerveza muchos años.

John Bull
Tipo: Ale
Alcohol: 4,5%
Fermentación: Alta
Brewery: Charles Well Brewery
Cata: Ale de sabor suave y pasu finu onde destaquen los aromas afrutaos.Ya se que nun soy muy obxetivu-de tous ye conocía la mio afición per la Ale  britanicona pero considero un lujo el poder beber una ale inglesa de barril nos tiempos que corren y n' esta parte del mundu. A Toast for you folks.








Dampfbier
Tipo: cerveza de vapor (ale)
Alcohol: 4,9%
Fermentación: Alta
Brewery: Maisel’s.Braurei Gebüder Maisel
Cata: Una de les sorpreses de la temporada. Trátase de una Ale alemana, muy suave al gustu, con recuerdos a cereal y pasar líxeru . Llevaba con ganes de probar una d’estes cerveces y mira por onde topamosla Equí. Sorprendente y perbuena. Dicen que’l nome vien de les maquines de vapor que na revolución industrial renovaron y dieron gran impulsu a la industria cervecera. Maisel’s Tovía conserva alguna y de ahí el homenaxe.


Einbecker
Tipo: Bock
Alcohol: 6,5%

Fermentación: baja
Brewery: Einbecker Brauhaus.
Cata: Cerveza de grandes contrastes con un color paya escuru, en boca tien un gustu muy interesante a malta.Tenía yo ganes de probar la verdadera Bock de Hannover, la referencia que teníemos yera la de Spaten Bock de botella y cañeru en la Internacional y na Malthasser de facía años y teníamosla borrosa y la verdá ye que conquistome, fizome recordar perqué me prestaba tanto y agora soy un adimrador declaráu d’esti tipo de cerveza.

Traspasase/On Lease

L'otru día vi un cartel nun bar que decía "Se traspasa por no poder atenderlo" un eufemisticu ganchu...
Pues yo lo mismo, desde hoy y hasta que acabe'l mes traspaso'l negociu y voy pa Alemaña.Topareisme nel Llink nománu Deutschald Foten.Empieza la serie con la Visita a Hannover.
Haiga Salú

Bares de Ayeri/Bares d'Anguañu: LÚPULO FEROZ

Cervecería El Lúpulo Feroz
Cai Idelfonso Sánchez del Río,Uviéu.

Tamos d’enhorabuena los amante de la cerveza que habitamos n’esti barriu. Ante la avalancha de “vinaterías” y “vinotecas” (pallabra mal  aplicada pa nomar  un bar la primera y horrible pallabru la segunda)  apaez, aleluya!!!!, una cervecería. Chigre de muy recientina inauguración, tamos ante un llocal agradable onde poder tomar una bona cerveza. La decoración ye curiosa, llimpia y sin saturar, con algunos toques propios muy interesantes, como ye, por exemplu, un cuadru perguapu fechu con chapes de cerveza. En lo que a cerveza se refier, cuenta con la siguiente  ufierta de cañeros:
Bitburger pilsener alemana, Grimbergen abadía belga, Bass Pale Ale británica, Spaten Bock, bock alemana, Trappist Dubbel, trapense belga y un próximu cañeru de cerveza invitada del mes. La oferta en botella ye per curiosa y como nomar toes les q'hay ye tarea dura, recomiendovos empezar por estes cuatro: De Konieck dubbel,belga de Amberes prestosísima, Baltika 6- Porter al estilu rusu perbuena, Erdinger pikantus- bock de trigo sorprendente y Chimay Bleu,trapense xenial.Destacable ye tamién el fechu de contar con toes les variedaes del mercáu de la Cerveza artesanal Glops.Una apuesta muy interesante ya que tamos ante'l primer acercamientu al mundiu de la cerveza artesanal na península y el esfuerciu y el fechu de facela llegar al públicu astur ye d'agradecer.  Brindando a la so salú, Damos-yos la bienvenía al barriu. A tirar pa’llantre faciendo disfrutar con la cerveza y que seya per muchos años.

Bitburger
Tipo: pils xermana
Alcohol: 4,6%
Fermentación: baxa
Brewery: Bitburger Brauerei
Cata: ¡. Pa’l mi gustu ye una cerveza reonda en lo que a pilsener xermana se refier. Nel enllace anterior podéis ver un poco de la so historia. La mía con esta cerveza vien de lloñe. Cuantes xarres tomabemos na Internacional siendo adolescentes...bueno y en cualquier bar que la tuvieren pa que mos vamos a engañar. Durante una época grande húbola en bastantes chigres asturianos. Asina de pronto recuerdo una cafetería y una sidrería en Colloto que tuvieron la característica torre de cerámica verde. En Llaviana más de 3 sitios entre cafeteríes y cerveceríes ficieronnos disfrutar con la “Bit”. Filolóxicamente ye una gran cerveza porque aprendiome les mios primeres pallabres nel idioma Teutón: Bitte ein Bit. ( y ya nun necesité más jejeje).

Y una semeya de Regalu:( con estos grifos, ya me conformaba yo pa'l nuestru club)

Bares de Ayeri/Bares d'Angüañu: PACO’S English Tavern

PACO’S English Tavern

Cai fray ceferino 13,Uviéu.

Fae ya la friolera de 10 años que esti chigre apaga la sede y alimenta l’alma del descarriáu. Siempre foi un sitiu, quiciaes pol nome, quiciaes per la llocalización, a onde dibemos muy de vez en cuando. Sin embargu, nos caberos  años empecemos a ir más a menudu movíos por la calidá de la so cerveza y el inmeyorable tratu del so personal. Cuenta con una oferta de barril digamos que "standar": Maes, Grimberger, Cyney, Blanche de Brugges pero con una muy atractiva carta de cerveces de botella. La carta ye interactiva y explícome: N'una estantería tien colocaes unes 200 botelles y tu lo que faes ye señalar la que quieres, pedila y ‘e voilá!!! ya la tas tomando. Otru de los atractivos que tien esti chigre ye que suele tener bastantes cerveces invitaes .Así recuerdo haber tomao con Xevi Mack una selección de cerveces de Quebec bastante interesantes.
Otru día, unu d'esos díes entresemana nel que tocaba cellebrar algo-tous son buenos pa esi mester-conseguimos los dos tomar una bona  cerveza belga d'abadía que mos dexó un gratu gustu.Trátabase de la Saint Sebastiaan
Tambien con Xevi y Cotoya probamos una belga en botella de 75cl que resultó ser una gran cerveza la Leute Bok 
La meyor cerveza que probé nel Paco’s,dentro de la categoría de cerveza invitada fue la Bohemian Regents.. En dos semanes acabemosla y la anécdota dende entonces, ye llegar y pedir una - a ver si se dan por aludíos y la vuelven a traer. La camarera y ama del chigre con paciencia,siempre mos diz que nun la tienen. La camarera....Tamos ante una maquina de la hostelería. Ye increible lo bien que lleva'l bar ella sola, nun tamos ante un chigre grande, más bien al contrariu, pero cuando se llena hay muncho trabayu. Ella sola desenvuélvese y manésaxe que da gustu. Destacable ye la so paciencia y el so saber en la materia, lo que invita a afallase. Toes estes virtudes son les que llevaron, desde fae un par de años a que unu de los nuestros ( a goodfella), acabara enamoráu perdíu d’ella..Como nota negativa quizás sea lo apretao de la parte trasera, pa paisanos grandones como somos algunu de nos faese estrechu y afogaizu –nun mos cabe la panza  ni les xarres que vamos amontonando jejeje.Si esti ye el tu casu recomendiendase que quedes 'na barra y a poder ser 'na esquina de onde la puerte, sin duda'l llugar favoritu pa deleitase con la cerveza, con la comedia entre Collacios y con el ambiente en xeneral. Brindaremos a la Salú de la chigrera y a la vuestra.



REGENT BOHEMIAN PILSEN
Tipo: Lager
Fermentación:baja
Alcohol:5%
Brewery:Pivovar-Regent
Cata: Ye REONDA.Hasta agora la que más me prestó de toes les cheques  que caté, Pilsner Urquell a parte. Highly recomended.





LEUTE BOK
Tipo:doppel bock
Fermentación:alta
Alcohol: 7,5%

Brewery:Van Steenberge Brewery
Cata:.Ye aromática, seca y col puntu xustu de dulzor lo que fae que  sea suavina pero gustosa a la vez. Po lo visto en Flamencu Leute quier decir placer y eso ye lo que queríen conseguir con esta cerveza. A nosotros, dionoslu, jejeje. Lo de la cabra ye un xuegu de pallabres entre el tipo de cerveza, Bock-orixinaria de Einbeck cerca de Hannover- y el significáu de Bok que quier decir cabra o cabrón y que po lo visto yera un animal muy abundante de la granxa- cervecería onde tuvo orixe esta cerveza. Tamien muy recomendable.





SAINT SEBASTIAAN GRAN CRU Blonde y GRAN CRU DARK
Tipo:Cerveza de Abadía
Fermentación: Alta
Alcohol: 7.5% (blonde) y 6,9% (Dark).
Brewery:Browerij Sterkens
Cata:
Cerveza de abadía fuerte y con regustu a malta y un lixeru toque a amargu que-y da al final una sensación muy agradable.alcohol bien integrau. Rica, rica, coyones!!.

La Dark por la so parte tien un aroma a caramelu muy carátelterísticu que la fae más dulzona pero ta coyonuda tamien.

Bares de Ayeri/Bares d'Angüañu Excalibur

Bares d'hoy

EXCALIBUR
Cai Álvarez Lorenzana 24, Uviéu

Ye esti un chigre que durante un tiempo bastante grande fue el bar favoritu de munchos de nos y onde teníemos casi toes les noches de los xueves y de los vienres una cita ineludible con una bona cerveza y un tableru dardos. El llocal ta bien decoráu y cuidáu, con abundante memorabilia cervecera- xarres, carteles, posters, escudos, mezclao tóu ello con guiños a la mitoloxía artúrica, fotos de comedies, unA Máquina de petacos y una diana que ye la perdición de más d’algún. El tratu recibíu ye inmexorable. Desde un primer momento el chigreru siempre mos trató como parroquianos- cosa normal viendo al ritmu que trasegabemos pintes de cerveza mientres xugabemos animaos a los dardos. Les atenciones pa con nosotros son siempre les d'un collaciu, muy profesional y atentu. Siempre al quite con los detalles cerveceros y la última hora trayendonos coses bones- el tío ye un xeniu perque siempre dexa lo raro pa  sorprendemos en  l’arrancaera con una birra especial de les de la carta o que topó per ehí pe'l mundiu-gracies a eso tastiamos unes ediciones rares de la Karmelite que foron más que prestoses..Sobre la cerveza decir que tien una variedá de botelles muy curiosa onde abunden les especiales belgues y les d’abadía. La meyor opción sin duda ye acudir a los cañeros pues en barril suel tener:
Lager Maes, especial belga Grimberger, Trigo belga Blanche de Brugges, Brown Ale inglesa Newcastle y stout irlandesa Beamish.
Digo "suel" porque fue perdiendo un poco fuelle y alguna d’estes cerveces cayó de la lista. Aprovecho pa reivindicar la vuelta de la Newcastle y sobre todo el cumplimientu de esa eterna promesa del chigreru de traer cada dos meses una cerveza invitada. Dibes a empezar por una checaaaaaaaaaaaaa( por nun mencionar la camiseta col logo de cerveza Satán reconvertíu en Cervecería Excalibur que dibemos a facer, mentirosuu!!!)
Les ocupaciones diaries, el poco tiempu y la distancia- ta na parte alta d’Uviéu- ficieron que dexaremos d’ir tan a menudo como solíemos aunque ye un sitiu que enxamás escaecemos y a onde volvemos gustosos siempre que podemos ya que sabemos que vamos ser trataos de la meyor manera: con una buena cerveza y muches rises. Vaya esti Sursum Corda a la salú de Alex, Sonia y la so fía Ainoa. Un abrazu Fonderu.
Y PA MUESTRA DE LES MURGUES...

Chigres de Ayeri, chigres d'anguañu; CHIRIBI

CHIRIBI
1989-2006
Cai Pérez de la Sala 17, Uviéu

Fue dende siempre (cerrose por motivos de l' expansión inmobiliaria fae unos meses de esti presente añu) una parada obligada nes nuestres correríes nocturnes. Pa poder citar aquí les innumerables anécdotes que muchos de nosotros disfrutamos na barra d’esti bar míticu, necesitaría una páxina web en llugar d’un blog. N'orixe, tratábase d’un bar d' ambiente fuboleru- una mítica peña oviedista tenía la so sede n’esti llocal, y tamien d' aficionaos al Rugby. Siendo’l que suscribe un esportinguista de pro puede sonar raro pero debo decir que nunca me sentí discrimináu ni incomodu, más bien al contrariu, pues la movida siempre fue de muy buen rollu entre to la fauna que parabemos per ahí.

Yera un antru onde se xuntaben roqueros ochenteros, xovenes calimocheros, hooligans, universitarios obreros, xente del oviedín del alma y trotabares  mezcla de too lo anterior, como nosotros. La oferta solía ser clásica: caña de Mahou, calimotxo baratu-pero de coca cola orixinal y cosecheru xoven, cacharros muy asequibles y tou ello acompañao con pop rock español y asturianu –principalmente Los Suaves, El Último de la Fila, Platero y Tu,  Los Enemigos, Extremoduro, Dixebra y poco más. Algunos recuerdos de esti bar son imborrables:

Recuerdo asina de golpe,les reuniones depués de la pachanga fubito de los vienres, recuperabemos fuerces con cañones de Mahou. Les partíes al fubolín y les rises na mesa de mármol d’atrás, los baños que nunca pasaron la revisión de sanidá-podíes mexar onde fuera, eso sí, siempre a escures porque tocar el destartaláu enchufe conllevaba un riesgu muy grande.

Acuerdome con Jevimack, Llanero e Isaac xugar al duru con calimocho y tras escuchar repeties veces les mismes canciones-El Último y Los Suaves , Los Suaves y El Último- perder la noción de la realidá y nun saber ya si los varas gallegos tocaben la de “como un burro…” o si los varas catalanes versioneaben el “malas noticias”.

Otra anécdota era ver a les amigues foriates, cuando empezaben a salir con nosotros per ehí y les llevabemos al Chiribí, les cares que poníen, como flipando por tar entre aquel personal- yeren un poema. Hablando de collacios y collacies  d'ultramar, nun se me escaez que nuna mesa del Chiribí escribimos a 5 manes un poema entre Stefanos, Alan, Llani, El Poeta y un servidor, títuláu, como no, “Dipsómanos”.
La misma mesa fue el centro de operaciones de la “Comisión de Festejos Somos Unos Animales” cuando organizamos la primera nochevieya del Gatu. Provistos de botelles de Mahou y caxa de caudales en ristre, Patrón, El Robe y yo mesmu ficimos de contables-recolectando les perrres, y trabayaron de relaciones publiques-convenciendo a xente pa venir- quién nun recuerda a miss Chiribí y les sos amigues jejeje?- cerrando tratos pa conseguir facer pa tous una Nochevieya memorable.

Acuerdome tamién una fiesta Larios onde Guaje Merucu, El Robe, Pucela no,  y el que soscribe finamos con les existencias de regalos que daben con cada consumición,  en su mayoría camisetes, mecheros, llaveros y demás memorabilia que lluego repartíemos per ehí con too la xente que topabemos
Por últimu y creo yo el motivu que mos unió a todos, debo hablar de los metros de cerveza. Según rezaba el cartel, con medición incluía sobre la barra,n'un metro¡u cabíen 14 botelles de terciu de Mahou. Yera un espectáculu ver toa la parafernalia: les botelles en fila enriba la barra, o n’una caxa cuando pedíes 2 metros y tóos xuntos alrior d’elles bebiendo en comunidá. Paezme a mi que, en un sentíu, fue el orixen de la Monería, pues consiguió reunir al Brujo y a Guaje merucu con el Patrón y conmigo y a su vez con tous los que mos alrodiaben - dende un puntu de vista escolar xuntó a dominicos con seminaristes y a la vez con los del istituto de Ventanielles. Desde el xeográficu xuntó’l Rosal, SaMpedro Mestallón, Calvo Sotelo y CollotU nuna misma capital jejejeje
Recuerdos de metros hay cientos, si los ponemos xuntos igual faen algún kilometru pero voy destacar unu muy buenu. Yera el cumple del patrón y de Juanjo y tras una cenona nos soportales del Fontán, acabemos saltando y riendo n'el Chiribi, tomando metros de cerveza bañando a los homenaxeaos con Mahou y bailando sin camiseta a ritmu d’ Extremoduro.

Nos caberos años dexemos d’ir pero tovía tuvimos arranques de señaldá y alguna nueche qu'otra entremos a tomar unes xarres de mediu, Jevimack, Cotoya y yo. Mientres escribo esto sorbio mediu litru de Mahou  n'una d’eses xarres-afanada como recuerdu ya que barruntabemos el cierre. Sea a la Salú d'un bar míticu na nuestra folixa.

Bares de Ayeri/Bares d'Angüañu: La Internacional

BAR D'AYER






Internacional (1991-2001)
Cai Cimavilla 5, Uviéu.
Sin dubia alguna’l bar preferíu de una xeneración- la nuestra- que empezó a dar los primeros pasos “vespertino-nocturnos” allá a principios de los ‘90 y unu de los sitios onde dellos, deprendimos a disfrutar y saborear el mundiu de la cerveza. Foi esti un chigre pioneru en munchos sentíos, “La Internacional” tratabase de una Cervecería especializada, con muy bona decoración cervecera (Aunque como nota negativa hay que recordar que taba pocu ventiláu si dibes pa les meses d’atrás) y que cuntaba con innumerables atractivos. El principal- aparte de alguna camarera que siempre mos gustó muncho- yera la variedá y la calidá de la cerveza,y xunto con el Malthasser de Xixón, únicu sitiu en Asturies a esi nivel.
Tenía esti bar una oferta en botella de lo más diverso, cosa que por aquel entonces, principios de los 90, yera difícil de atopar en casi nengún llugar. Pero sin dubia, onde se facía insuperable yera en la gran cantidá y diferencia que disponía en cerveces de barril. Con la friolera, si nun me falla la memoria, de 14 cañeros (12 regulares más 2 de cerveza invitada) tabemos ante un mundu de sensaciones inimaxinables y pasu a pasu dibemos degustando y deprendiendo que yera aquello de  lager, abadía, stout, ale, dark lager y cerveces especiales, con gran satisfación. Si mal nun recuerdo la distribución yera como sigue:

Lowenbräu, Spaten, Bitburger, Pilsen Urquell, Labatts- esta última dexaron de traela cuando la crisis del fletan, pues yera canadiense, Foster’s (la orixinal, no la que empezó a facer Samiguel aquí a fines de los 90), Grimbergen, Kapitell, John Smith, Beamish,Gueuze Peché, Geuze Krieg, de Lindemman's les dos, Tennet’s Super y Kostrizer, ( estes dos últimes como invitaes durante bastante tiempu alternaes con Franciskus una Marzen  o doble malta, de la casa Spaten que taba bonísima).

Anécdotes hay munches de aquella época. Vienseme a la memoria mio pa y mio tíu tomando Chimay- Xeniu y figura ellos hasta pa la cerveza, mientres yo tomaba Clausthäler sin alcohol. Recuerdo les murgues  de los de Collotu con aquelles xarrones de llitru a rebosar de  Spaten o con Urquell que tomabemos a medies, Juanjo y yo, siendo imberbes tovía, secundaos por El Llanero y Cuartas quienes siempre bebíen a medies un llitru de Cerveza de melocotón o de frambuesa - por lo que empecemos a llamalos los Fruitis. Andando’l tiempu, ya un poco mayorinos, dibemos a pinchar una paleta del pintor ( patates frites con salses varies), y a tomar unos llitros de Bitburger que casi siempre taba de ofierta, los fruitis empezaron a metese per la  grimbergen y sobre too per la  Kapittel y cambioyos  fasta la la voz…

Un poco más allantre, ya metíos na mayoría d’edá, con nuevos collacios tamién asiduos recuerdo xuntanos Patrón, Cotoya, LLanero, Juanjo y algún otru a tomar llitros de Foster’s, de Spaten o de Bittburger y a echar unes rises. Acuerdome de descubrir les cerveces invitaes y tomar John Smith-aunque necesité casi 3 años y una temporaína en Llondres con Alan pa descubrir les maravilles de la Ale británica . Tamien recuerdo ver a David  poeta degustar con placer cañes de Kostrizer y dellos, entre los que me topo engrifanos per lo rara que mos sabía ( que baratos mos parecen aquellos 40 duros que costaben les cañes de John Smith o de Kostrizer!!!). Nesos años tuvimos Cotoya y yo el primer contactu con Escocia, a través de la Tennet’s y de los llibros de Conan Doyle y Robert Louis Stevenson. Con el Robe dibamos mucho a tomar Pacífico (sin llimón), esa cerveza mexicana, de la zona de Culiacán, que tanto mos gustaba. Fue con el Robe tamién y col Patrón con quien un mediudía de un vienres de primavera tuviemos comiendo unes salchiches y unes patates regaes con llitros de Foster’s….pensando que yera suavina ya que luego teníemos pachanga fubito nel CAU y no se ni como pudimos xugar col “pollaje” que llevabemos…. Y asina hasta 1000 aventures. Brindaremos a la salú de aquella xente, d'esti chigre y d'aquellos años.

Spaten Pils
Tipo: Pilsener
Alcohol: 5,2%
Fermentación: baja
Brewery: Spaten-franciskaner- Bräu München.

Cata: Lager de color roxo paya, de cuerpu mediu, marcáu aroma a malta y regustu final amargu perbuenu. Yo estes pijaes  nun les sabía entoncenes pero si ye verdá que en esa inorancia yera igual de feliz y prestabame abondo comu agora, esta cerveza. Uséase que lo que presta ye lo que presta.


Urquell
Tipo: Pilsener
Alcohol: 4,5%
Fermentación: baja<
Brewery: Plezensky Prazdroj o Pilsner Urquell
Cata: . Deleitandonos dende 1872 ye la única que puede por ley llevar el adxetivu orixinal adosáu al so nome. Una de les mios cerveces favorites de tolos tiempos, ye según los checos lo más parecio a la pilsner de Plezn, useáse, a la orixinal.


Kostrizer
Tipo: Dark Lager
Alcohol: 4,5%
Fermentación: baja
Brewery:Köstrizer brauerei
Cata:  Muy especial. N'aquellos dies too la cerveza prieta que nun fuere como Guinness parecianos rara, sin entender nosostros la diferencia entre stout y lager aunque esta última fuere oscura. Sólo el Poeta arriesgó y acertó, ¡qué gran cerveza!!!

ORIGINAL GIN TONIC/GIN TONIC ICE CREAM

...'Na mio bodega, esto ye lo más apaecío al GIN TONIC orixinal, o eso me paez....













El xelau va dedicáu a kikeconK y a Güaje Merucu....(por fin atrevime y fícelu.... ye al menos tan orixinal como la botella de la que sal)

Xelau de Gin Tonic y Manzana Verde

Ingredientes( para 4)
Media botella de Ginebra
1 1/2 tóniques
4 yogures
mediu vasu de nata
150 grms. de azúcar
1 cuchar pequeña de azúcre glás
1 manzana Verde Granny Smith
                                  1 lima
                                  fueyes de Menta fresca
                                  4 copa xelá

Modus Operandi:
N'una pota más alta que ancha amestamos la media botella gin con 125 grms de azúcre y ponemos a calentar.Enantes de que fierva, flamear durante 2 minutos xustos y tapar pa apagar.Una vez retirao del fuéu, axuntamos la tónica y la rallaura de media llima. Dexar reposar y enfriar.
Coxenxe les copes,previamente metíes nel conxelaor, y enllenense con dados de manzana-sin pelar pa que quede más vistoso- y unes gotes de lima. Cubrir casi hasta el borde co'l "gin tonic".
Aparte batense los yogures con la nata y el resto del azúcre. Disponemos de la mezcla n'una manga pastelera ( o meyor nun sifón Isi), cubrimos les copes con ello. Espolvoreamos el azúcar glas,la menta finamente picada y un pocu de ralladura de lima pa decorar. Enjoy your drink...it's later than you think.

P.S. Existe una versión que sustituye el yogur por una bola de sorbete de limón( industrial).Paezme a mi que la textura nun será la misma y además hay que tener en cuenta que el sabor del sorbete desvirtuará y aquí lo que interesa ye que tenga un retrogustu natural a gin tonic.

FIESTES DE SERONDA

FIESTES de SERONDA en SMRA. Los Nabos.

Sotrondio, capital del conceyu de Samartin del Rei Aureliu ( formau per  L’Entregu, Sotrondiu y Blimea y  otru cientu pueblinos y aldees) ta situáu na cuenca minera y ye’l pueblu de onde ye mio madre. So padre, mio güelu, que ye un grande, quiso xuntamos a to la familia aprovechando que se facien les fiestes de Seronda y p’allá fuimos tous, siempre gustosos de reunimos alrior d’una mesa pa xintar, cantar y reir xuntos. 

Nestes feches y pa conmemorar les fiestes ye típico de la zona’l comer el pote de nabos.
 Cocinaben mio ma , mio güela y mio tia, conmigo de pinche, ensin perder nota de too'l procesu. Mientres, los paisanos poníen a referescar la sidra y el vinu, preparaben l'embutiío y los quesos pa'l  pincheu de delantre y arreglaben el mundu. A eso del mediudía, ya con toó fecho colamos toos en romandela ( muyeres, homes y reciella) pa la plaza’l consistoriu onde había feria, banda municipal, artesanía, y pareyes de baile danzando al son de una gaita y un tambor ( por fin una fiesta sin banda gaites!!!).

 Como ye constumbre y aprovechando’l día soleyeru de principios de Seronda fuimos a tomar el vermú a un par de chigres onde trasegamos delles botelles de sidra y alguna que otra de vinu entre rises y comedies. Una cosa guapa de esa fiesta, ye que per los bares va pasando una pareya de tamboriteru y gaiteru, tocando gratis pa la xente y tomando algo. (Pensaba yo al velos que como tomaren un vasu vinu o una botella sidra en cada bar la moña iba ser fina- al final tocaríen buleríes!!)

Vamos con lo gastronómico. Nosotros comíemos na' terraza casa mio tía, ne'l pueblu de Samartin, cruzando'l ríu Nalón, onde taben otrora les mines del Rimaeru. Facía un solín de seronda que daba gustu, paezme que ya vos lo dixera. El menú típicu pa cellebrar esta fiesta  y que salvo na mano les guisanderes y la calidá de la bodega ye igual na mayoría de los chigres ta formáu por:

Pote de Nabos. Con compangu ( chorizu, morciella, llacón y panceta)
Callos
Chuleta de ternera
Casadielles

Pa Xintar:
Esti yepreba del menú que mos ofrecieron mio ma, mio güela y mio tía una terna de cocineres de categoría,  con les que deprendo día a día.Dende equí yos yanto un besu enorme a c'a una d'elles:


Pa Beber:

Monteclavijo
Crianza: Joven
Añada: 2004
Tipo de vino: Tinto.
Denominación de Origen: Rioja.
Casta: Tempranillo (100%).
Bodega: Criadores de Rioja Alberite
Cata ( Fecha per la Bodega): De color rojo cereza, destaca por su aroma fresco y afrutado.En boca hay recuerdo de frutos rojos y equilibrio total del retrogusto.

Un vinu de los de too los díes que ye la prueba feaciente de que por tres euros tovía se puede comprar vinu  muy competente. Ye un vino bonu, que contenta y satisfaz tanto a bebeores avezaos como a recien llegaos al mundu del vinu. Que tomen nota y que aprenden delles vinateríes pijes onde la mayoría de lo que tienen ye puxarra, adornao en copa fina pa yantar dos europeos a la parroquia, pero puxarra al fin y al cabu, 

Viña Albina Reserva 2000
Crianza: Reserva
Añada: 2000
Tipo de vino: Tinto.
Denominación de Origen: Rioja.
Castas: Tempranillo y mazuelo
Bodega: Bodegas Riojanas
Cata ( Fecha per la bodega): Color rubí con ribetes teja muy brillante.Elegante en nariz, aromas armoniosos, matices de crianza con notas especiadas y varietales.En boca bien constituido, con buena acidez y taninos pulidos. Muy equilibrado. Un señor vinazu, d'esos que  piden otru tragu y  allegra los sentíos. Detrás d'esti vino hay una bodega de muy grande Solera y meyor hestorial.....Un vinu altamente recomendable.

Sidra Cortina
Tipo:Sidra Natural
Tipo manzana: Roxona y xuanina
Alcohol:6%
Llagar: Sidra Cortina-Coro Villaviciosa
Cata ( Fecha per el llagar): Fresca, suave y sabrosa, es una sidra de buen espalme, con un pegue correcto y un aguante muy bueno.De color rubio pajizo tiene un persistente sabor,con un matiz de acidez justo y un gusto a fruta acentuado por el punto exacto de carbónico.En boca es sabrosa, referescante y plena. Y además ye cantarina jejejeje La verdá ye que a mi gustóme... siendo la hora'l vermú nun hay nada que me preste tanto como una bona botellina sidra 

Cardenal Mendoza Brandy Solera.
Tipo Licor: Brandy Español
Envejecimiento: Roble Francés
Origen: Bagazo de uva.....
Alcohol:38%
Bodega: Romate
Cata:..... Ye la primera vez que faigo un comentariu d’un llicor, y supongo que nun será la última. Nun soy un gran bebedor de brandy pero si un defensor d’un tipo de bebida que me paez muy personal ya interesante y que nun hay que confundir con el so primu francés, el coñá. Debo decir que ye muncho más suave y más sabrosu de lo que yo pensaba- tamien ye verdá que tamos ante unu que ye de lo bono lo meyor. Suave al paladar, calienta bien al principiu pero nun quema, Comu anécdota recordar que el nuestru amigu  grecu, Tasos Cassandrinos, agarró una buena con mio pa  y conmigo en  casa, en Collotu,  a principios del mileniu bebiendo esti brandy y divagando sobre la esistencia d'un dios verdaderu  ( o dellos jajajaja) .

NUEVOS ENLLACES

A la derecha podéis entrar en los nuevos enllaces: VIAXES NORDAKAS, EDINBRA, DEUTCHLAND
ONDE HAY REPORTAXES DE ESES EXPERIENCIES.HAIGA SALÚ

REMEMBER ,REMEMBER THE FITH OF NOVEMBER

"Remember, remember, the 5th of November
The Gunpowder Treason and plot;
I know of no reason why Gunpowder Treason
Should ever be forgot."

GunPowderPlot

Mientres los ingleses cellebren la Bonfire Night, la nueche les fogueres, como recuerdu a Guy Fawkes y la conspiración que quiso facer volar al Parlamento Inglés a principios del s XVII, el que suscribe pasó dos dies prendiendo fuegu a Asturies, primero como cicerone y lluego como homenaxéau. Y d'esto ye de lo que me acuerdo:

Sábadu 4
DE Tierres Charres llegaron los páis de Berta a visitanos y como no, fuimos hasta la Marina pa deleitanos col Cantábricu que tanto mos gusta. Un abrazu fonderu, un besu grande y mil gracies per la fartura.
Paseín, oles y vermú en Candás
Mesón del Mar
Finos y Caldu de Mariscu
Sidra trabanco


Fino La Ina
Bodega: Pedro Domecq
Región: Andalucía (Jerez y Manzanilla)
Tipo: Generoso

Castas: Palomino
Alcohol: 15.00º
Cata ( Fecha per la Bodega): Oro pajizo de intensidad media. Aroma de intensidad con notas predominantes de frutos secos, sin gran finura. En boca es de cuerpo medio, repitiendo las sensacion de nariz, expresividad y frutosidad.

Alcordeme de Teodoro Cuesta y Diego Terrero y les sos famoses cartes, xuntamos Asturies y Andalucía, y nun me da vergoña reconocer que mientres ellos bebíen sidra yo disfrutaba gustosu del fino La Ina jeje. A mi encantenme tanto'l fino como la manzanilla. Son una maravilla de vino, únicos nel mundu y pa mi gustu de lo meyor pa la hora'l vermú


Comida y visita a LLuanco

Xintamos n'el Robus
Sopa mariscu
Merluza a la Plancha
Chipirones Fritos
Parrillada de Mariscu
Mousse de Llimón
Bodega
Albariño Bouza do Rei
Crianza: Joven.
Añada: 2005
Tipo de vino: Blanco.
Denominación de Origen: Rías Baixas.
Tipo de uva: Albariño (100%)


Cata ( Fecha per la bodega): Color amarillo pajizo y brillante. Aromas a manzana con toques de fruta madura. Fresco bien estructurado, carnoso y potentes.
Pa ser sinceru tengo que reconocer que soy más de ribeiro que de albariño y creo que en esti mundu, como nel de Rioja o Ribera hay muncho marketing que esconde otres coses... Esti sin embargu, gustome abondo

Tarde Fubolera (ESportin-Cai) Pasé la tarde c'ol mi hermanu, visitando el Molinón,y entre pipes y Mahou Clásica vimos un 5-4 a favor del nuestru equipín que me fizo pensar que taba viendo un partíu de la liga inglesa    Puxa Esportin!!!

Pipes Churruca y Mahou Clásica
Tipo:lager
Fermentación:Baja
Alcohol: 4,8%
Brewery: Mahou.
Cata. Voy ser breve, como la propia Clásica. Ye una cerveza simple, y eso ye resultáu d'haber nacío n'una época d'escasez: La posguerra. De tóes les formes, aunque con excesu de azúcre-por eso de matar la fame d'aquel tiempu, ye mucho meyor que delles que se creen con pretensiones. La versión de Barril ye bastante más aceptable que la de botella. Na más.



Domingu 5
Llevantome un añu más vieyu pero sigo sonriendo y eso ye lo que importa. Mio má que ye la meyor, va facemos una comilona pa cellebralo. Pero enantes, nuna mañana bien soleyera fuimos hasta Granda (Siero) a tomar el vermú a Casa Evarista

Rueda Val de Lamas: el 100% verdejo que tienen pa chatear nun falla 

SidraViuda Palacio
Bodega: Viuda Palacio
Región: Asturies
Tipo: Sidra Asturiana
Casta:coloradona y xuanina
Alcohol:6%
Cata ( fecha entre el chigreru y yo): De espalme rápidu,aguante y pegue brillante, de color oro claro, con ausencia de aromas extraños, uséase franca, a ls vez que intensa y fresca nel sabor esta ye, po lo menos en lo que va d'añu la sidra que más me prestó.Tengo que decir que soy un poco repunante y un bebeor de sidra raru. Sólo tolero el "rícu líquidu nuestru" per la mañana, eso si en cantidaes abundantes, eso d'andar estirando la botella nun va conmigo.

Pa acompangar: Cacagüeses, tortiella de chorizu, Aceitunes, chipis fritos y milenta Rises

Comida en Colloto
Pastel de tiñosu ( pero de verdá)
Gambón cocíu ( poco tiempu pa que tea jugosín)
Cachopu de merluza con salsa d'oricios ( de llata)
caldereta de corderu con patatinos y pimientos asaos de guarnición
Tarta de Quesu

Bodega
Val de Lamas 100% verdejo
Bodega: Bodegas Señorío de Nava
D.O: Rueda
Tipo: Blanco
Castas:100% verdejo
.Bodega: Señorio de Nava
Cata ( fecha per la Bodega): Amarillo oro pajizo de intensidad media. Aroma de buena intensidad, con frescas notas de fruta blanca y recuerdos balsámicos (laurel), con un punto de sulfuroso al fondo. En boca es de cuerpo medio, con acidez viva, fresco, con fruta blanca y un punto especiado, con un final agradable.
Seguimos col mismu palu que dellos bebieron n'el bar, un blanco de los qe yo digo que nunca falla.

Protos Rosado
Bodega: Protos
D.O: Ribera Duero
Tipo: Rosado
Castas:Tempranillo, garnacha y albillo

Cata ( fecha per el bodegueru):Presenta un color cereza con matices violáceos.Aromas afrutados con ciertos matices florales. Elegante y al mismo tiempo sorprendente.En boca, resulta equilibrado en la entrada y fresco en el paso, abandonando el paladar con un recuerdo limpio y grato.
Pa mi ye Un rosadin reondu y frescu y un vino muy competente en rellación calidá-preciu

Atrium Merlot
Bodega: Torres
Tipo de vino: Tinto joven 2004
D.O: Penedés.
Tipo de uva: Merlot (100%)
Cata( fecha per la Bodega):  Color cereza muy oscuro.
Generoso aroma, intenso y típico de la variedad, con notas de frutas muy maduras e incluso confituras (ciruela, arándano) sobre fondos de trufa y de laurel. Paladar amplio y goloso con excelentes y dulces taninos, que se abren hacia las notas frutales del aroma. Después, al entibiarse, exhibe ricos matices de cuero y de vainilla que evolucionan hacia un final de boca persistente.
 El regalu de mio pa y mio ma, y  un vinu muy a tener en cuenta. La prueba feaciente de que n'esti país con uva foriata tamien podemos facer un vinu de calidá perque lo que importa ye'l terruñu que les alberga,  y la mano del vinateru, digo yo, nun se, eso me paez. Ye de lo más sorprendente que bebí esti añu. Completu, reondu y nun cansa.Los de Bodegas Torres saben un pocu d'esto me paez, a xulgar per otres coses que tastié d'ellos y lo que me prestó esti.

Orujo miel La Boalesa
Brandy Gran Duque de Alba
Vodka absolute Raspberry

Pela tarde acabemos tomando unes coronites y unes alhambres nel Titanic onde recibí el cariñu de los mio collacios. ´Haiga Salú