Destín: Llondres

N'unes hores toy volando camín de Llondres. Fay ya unos añinos que nun paso per la metropoli asína que'l reencuentru va ser prestosu porque como decíen los Clash Londres llama. La idea nun ye otra que ver un poco como ta aquello y dedicame a desfrutar de la Real Ale y de les cerveces de seronda.Toy fartucu de Guíes, páxines n'interné, blogs, racomendeciones personales y demás.Toy torniando maxara con tanta información per lo que decidí nun seguir nenguna y dexame llevar po'l istintu y la curiosidá. El viaxe pués , ye cerveceru y ye la cerveza la que va marcar el mio caleyar per Llondres. Per un lláu voy entrar na más que a los pubs onde tengan guest ales y seasonal ales. Per utru, ya tengo buscaos los tied houses*** de les cerveceres que me interesen, pa salir de la monotonía Fuller's/Young's les dos macro cerveceres llondinenses. A eso sumasmo-y visitar el pub de la micro Meantime y creo que el rodaxe va a ser completu. Veremos que mos depara el futuru, pero dexuru que dellos más caen, por eso de dexase tentar, o ver coses que atraigan sobremanera. Ya vos cuntaré. Sentimonos al torniar. Haiga Salú





***El sistema de Brit pub ríxexe principalmente por tres formes de arrendamientu. Tied Houses, son los pubs pertenecientes a una cervecera y nos que na más que se vende la so cerveza-con concesiones a real ale llocales y artesanales. Free Houses son lo contrario. Son pubs llibres nos que el chigreru elixe y sirve la cerveza que-y da po' la gana sin depender de naide más que de los destribuiores. Por últimu tenemos les Franchises, franquicies típiques nes que to los pubs son iguales o paecíos y vende la misma cerveza-tienen compromisu con ciertes cerveceres pero llibertá pa meter coses de otres fábriques.