(English Version)Una de les coses que más me presten y me surprenden son les cerveces temporeres- Season Beer dicen los anglosaxones, Una cerveza pa cá época de l'añu, atendiendo a les condiciones ya ingredientes que esi mes o esa estación suponen ye una muestra de xenialidá enorme.
Ya son díes de branu. Medra la lluz, el solín y la calima aprieten y tóo ello invita a tar na cai, a charrar a l'aire llibre ensin ablucar la hora de torniar pa casa. N'esta època la tradición xermana apunta a beber cerveces de trigu que refresquien boca y gargüelu pero que tamién apaguen la sede de l'espíritu. Ensin pensalo dos veces abrí una botella que mio madre me regalara equí p'atrás. Weisser Hirsch, el ciervu blancu, ye una cerveza de trigu alemana que vien presentada n'una botella de tapón de bisagra y que anunciase con el sobrenome de allgäuger weizen(useáse que ye la de trigu de Allgäu) fecha per la cervecera independiente Der Hirschbräu Brauerei. L'aspeutu ye muy llamativu con una colore roxu claru, casi naranxa, ensin filtrar y con una gasificiación correuta que produz una espuma blanca y duradera perguapa.En ñariz ye picante, con frutes-pláganu, piña y llimón, apoderando l'arume. El tragu ye intensu, enseguida notes el cereal y les notes a cítricos que te enllenen la boca dexando pasu a una acidez caralterística que xunto con l'alta carbonatación producen una sensación de frescura muy completa. Gustome abondo.
Hay una cerveza de la que ya falara n'otra vegada y que ya pasara a formar parte de les mios favorites como cerveza temporera de branu. Tratase de La Colomba, Bianca de Corsica de la cervecera Corsa Pietra. Ye esta una cerveza diferente, fecha de trigu y cebada, aromatizada de forma natural con flores de mirtu ya enebru que amestaes con la medida xusta de llúpulu consigue un tastiu per interesante. D'aspeutu ye roxa clara y turbia, con una espuma blanca de duración media. Güel a cereal y a cítricos pero alviertense ya les yerbes que lluego en boca faense muy de notar con recuerdos de bayes, un puntu interesante de menta fresco y cítricos que queda redondeáu po'l amargore lixeru del llúpulu. Lo que más noto ye que los sabores tan bien integraos, ensin apoderar l'unu sobre l'otru, algo per dificil cuando se trabaya con tres yerbes de sabor tan potente como estes. Como ya dixera paezme un tragu per refrescante y una cerveza atrevía y diferente que pon la nota ideal nes converses de branu sentaos al aire llibre.
6 comentarios:
Que coses más extrañes estes de la cerveza de temporá, je
Oye Chela, toy ansiosu por que te metas de lleno, vamos, de tropezón en una barrica, de la Xana.
Salú, salú.
Pues ye lo que tien la cerveza que de resultes del granu más adecuáu, de la temperatura de l'ambiente, de lo que haiga que cellebrar n'un momentu dau y de milenta coses más, faese una cerveza destinta y xenial.
De la Xana ya charraremos llargo llargo en prósimes ediciones que diría l'otru.Probástela ya???
Haiga salú
Tiene buena pinta, esta cerveza. me gustan mucho las cervezas de trigo blancas. Y con este calor más aún. Yo esta no la he probado, pero sí la Pietra Lager, que no fue una decepción, pero tampoco una gozada.
Ya veremos si me puedo hacer con una de estas antes de que llegue el invierno!
Saludos.
Amigo Delirium,Es cierto que el trigo, en general cuando es Helles para el verano tiene algo especial, aunque las resacas de trigo son muy cabezonas jejejejeeeje
Si tienes Hiper(hard)core cerca puede que encuentres la segunda.La primera no se de donde la sacó mi madre pero es la misma casa que hace la Helles Bock y la Allgäuger Bio. La pietra de castaña no está mal como cerveza "rara" con su harina de castaña-el árbol totem de los corsos- como adjunto. La lager normal no la probé, a ver si la encuentro.
Haya Salud
Que rica la Colomba. la tuvimos de cerveza del mes hace más de un año y fue de las que mejor recuerdo dejó entre la clientela. Y encima barata.
Amigu Lúpulo, Ye una cerveza rara, eso hay que reconocelo pero tien un no se qué especial,diferente y que pese a ser industrial tien su putntu natural de yerbes que me paez xenial. Pero bueno esa ye, como diría Galguera, "sólo la mio opinión" jejejejejejejeje
Publicar un comentario