CERVECES TEMPORERES

Poques cerveceríes de entre les que paro, excetuando una o dos, tienen cerveza del mes. De delles conversaciones con chigreros, especializaos y non tantu, distribuidores y consumiores xurdieron idees y custiones que güey prestariame reflexar equí. 

Personalmente el fechu de tener un barril de cerveza invitada paezme una idea acoyonante, un auténticu y verdaderu luxu que ye un detalle pa'l cliente y muestra d'un interés grande per la cerveza. Agora bien, una de les coses que observo ye que munches veces la cerveza del mes nun ye apropiada pa esa época del añu. Explicome, de tóus ye sabía la versatilidá absoluta de la cerveza pero pocos son los que conocen el fechu de que en gran medida ye una bébora que tien una expresión diferente según la época del añu aprovechando lo que meyor da cada estación. D'esta maniera tenemos cerveces pa'l otoñu, cerveces pa'l branu, cerveces d'iviernu asína comu cerveces que conmemoren la llegada de la primaveira.

Los oríxenes de estes cerveces vienen marcáos por munchos factores: regoyida de les simientes, el fríu, la fame, cellebraciones o custiones de carálter téunicu y cultural. Muncho podría debatise sobre estos aspeutos pero en resumides cuentes y per gustu personal,  a mi paezme que presten más les cerveces si se tomen en les feches pa les que se ficieron y pa les que tan destinaes-y con esto nun quiero decir que n'otra época sepa mal, sólu ye una custión de gustu personal. Sin querer comparar o sí, pasa lo mesmo con la sidra nuéo, con los blancos y los rosados cuando son del añu y llega el calorín, sólu por poner dos exemplos recurrentes.

Queriendo comparar o no, nun ye lo mesmo que n’un branu calurosu se tenga de cerveza invitada o del mes, una doppelbock, maltosa y alcohólica o una trapense de 10 grados a que se tenga una cerveza de trigu, una lámbica de frutes, una pale ale de sesión con no más de 4% de alcohol en volumen o una pilsener lupulizada y fresca.  Dar podrá dar igual, que ye lo que me diz más d’unu cuando yos comento que nun me apetez tomar una pinta de Triumphator el 12 d’Agostu, pero nun ye lo mesmo y ya que toy refraneru y soy de natural contradiciente y contradictoriu axunto que sobre gustos nun hay nada escrito o hay muncho escrito, y podría escribise más.

 Dende estes llínees y atendiendo a estos fatores y a esi gustu personal atrevome a llanzar una propuesta de cerveces de temporada que se axusten perfeutamente al fechu de la cerveza del mes:

Seronda (Setiembre-Ochobre-Seronda)

Ye la época de la recoyía de los frutos, fina el branu, y alrodiu de les recoyíes y el trabayu, lleguen tamien los festivales pa cellebralo (de renome ye el famosu Oktoberfest).N'esta época, por exemplu, espichabense les barriques que se habíen guardao en Marzu pa poder beber pasaos los calores. Marzu, yera antes de la llegada del fríu industrial, el últimu mes n'el que podía facese cerveza. Los mayestros cerveceros añadíen más malta a la cerveza pa que diera más alcohol y aguantare el branu, reposando en llugares frescos que la protexía del sol. Per lo xeneral cueves en montañes y llagares excavaos baxo terra. Ye la época buena pa tomar una märzen, una festbier( dos estílos que sin sabelo superponense) o una buena bock.

Iviernu(avientu-xineru-Febreru)

Llega el fríu pero tamien les cellebraciones cerca del fuéu, el cuerpu pide entrar en calor y pa ello nun hay nada meyor que les cerveces fuertes, de cuerpu vigorosu y graduación alcohólica alta.N'el Reinu Xuníu ellaboren pa la ocasión lo que ellos llamen Winter Warmer, ales más maltoses y con más alcohol pa combatir los rigores del clima n’esta época del añu .Los Escoceses son especialistes en facer strong ales que valgan pa' combatir el fríu siendo famoses les sos Scotch ales. En Bélxica la cerveza d'iviernu ta asociada a la cellebración de les navidaes, faciendose pa la ocasión cerveces fuertes, dulces y especiáes que son ya una tradición esportada al restu del mundu. Les cerveces d'iviernu y navidá belgues e incluso alguna de abadía de barril podíen ser buenes opciones pa tomar nos meses de avientu y xineru.

Pa Febreru y marzu lo ideal sería tomar cerveza que tovía fuere dulce pero con menos alcohol pa nun saturar. Un tipu de cerveza que me paez xenial pa esta época puede ser les lager oscures cheques, la schwartz bier xermana. Oscurines, con poco alcohol, dulces sin saturar y muy adecuaes pal momentu.

Primaveira ( marzu-abril-mayu)

Tovía ta frio pero tamien empieza a restallar el calorín. Si acabemos el mes de marzu con lagers escures nun veo meyor sustituta que una bitter británica o una alt xermána pa' dir refrescando el cuerpu y alixerando l'alma.

Mayu n'Alemania tien la so cerveza propia, la Mai-bock o bock de mayu, con la se cellebra la entrada n'esti mes. Muy aceptable seríen tamien cervezes lixeres cheques por exemplu, rubies, lixeres n'alcohol, con el llúpulu destacando ensin saturar, y tamién un estílu clásicu xermanu, la Kölsch.

Branu( xunu-xunetu-agostu)

Lleguen los calores y el cuerpu pidete cerveza que refresquie y que apague la sede. Pa Xunu, les mismes roxes cheques pero en esti casu un poco más lupulizáes seríen les ideales pa cumplir esta función. Tamién me paez una bona forma de aniciar el branu con alguna lambic de frutes, sintiendo el dulzor de la fruta acompaáu de la acidez natural de esti estílu. Falando de ácides, una bona Geuze, amestando cerveza llámbica vieyo con nuéo, sería un tragu xenial. Metíos en Xunetu y agostu nun puedo dexar de pensar en los clásicos, en la cerveza de trigu, meyor roxa que escura y muncho meyor ensin filtrar que filtrada.

Y asína fasta l’infinitu……

Notes rellacionaes con les marques:

Seronda:

Master

Triumphator

Einbecker

spaten bock

Spaten Festbier

HB Festbier

Erdinger Pikantus

Iviernu

Pa diciembre-xineru

Gordon's Christmas

Christmas Regal

Chouffe

Chimay Capsule Bleu

Sint Bernardus Christmas

Pa Febreru-marzo

Kozel

köstritzer

Budvar dark

Primaveira

Marzu-Abril

Bass Pale Ale

London Pride

Boddington's

John Smith

John Bull

Schlösser Alt

Diebels Alt

Mayu

Einbecker Mai-bock

Pilsner Urquell ensin pasteurizar ya ensin filtrar

Budvar ensin filtrar ya ensin pasteurizar

Branu

Xunu

Liefman's Kriek

St. Louis Kriek

Cantillon Geuze

Boon Marriage Parfait

Boon Kriek

Xunetu y Agostu

Franciskaner

Weihenstephaner

Erdinger