¿Tien Cerveza Salamanca?

Fae unos meses escribí sobre'l mio bar charru- xaponés favoritu y sobre'l gran concetu de cervecería-taberna que atopamos y que tanto me prestara. Tras l'última y recien estancia quisiemos descubrir si Salamanca, en materia de cerveces, ye más de lo que delles guíes asétiques (y tamién a vegáes ensin rigor nenguno) dicen. Asína que puesiemonos a caleyar, a romper mitos y reticencies, dispuestos a llevar desilusiones pa dar con la respuesta.

Si vas Paseando pe la Plaza Mayor, sólo tienes que cruzar per debaxo del Reló del Ayuntamientu pa topate de llenu co'l 14 de la cai Zamora, esto ye con la cervecería O'Hara's. A primer vista ye una Franquicia Heineken-Guinness ensin nada interesante que ofrecer en materia cervecera pero onde ye prestoso ver los partíos de la Premier y los torneos de Rugby, y  l'ambiente que se respira durante eses competiciones. Foriatos-especialmente anglosajones y galos, ya oriundos mezclense alrodiu'l deporte y unes cerveces n'un pub decoráu al estilu de los pubs irlandeses, ampliu y acoyedor y con una pantalla xigante que se ve dende cualquier requexu. L'ambiente ye distendíu y diferenciáu ya que si po la mañana y po la tarde ye un pub a l'usu, de nueche vuelvese un discopub- terrible concétu- onde la movida ye más de copes y bailoteo (vamos de "moñase y frotase" que se diz vulgarmente). Decía que en materia de cerveza nunca foi muy allá...fasta que  fae cosa de un añu o asína cuando, por azares del destín o por aclamación popular- la camarera nunca me sacó d'esa dubia, decidieron poner un cañeru de London Pride.



Ye per ello que dende entonces merez la pena pasar a tomar una pinta( 3,5europeos per agora) de bona ale inglesa, n'esti bar siempre tien garantía de frescura, especialmente depués de dar un paseín per la plaza mayor más guapa de too Castiella y Lleón .

BSO-Pop y rock español y en español- el Último, Tequila, Los Rodriguez, Fito y Fitipaldis, los Héroes del silencio, M-Clan, Sabina...

The Brewery. Cai Arriba 15. Salamanca. N'os alriores del Parque de San Francisco ( Ver Mapa nel enllace) topamos una pequeña y guapa cervecería. Puesta en piedra y maera, con un toque especial distintivu que la fae prestosa y acoyeora. Imáxenes y colleción de cerveces del mundu, memorabilia per interesante entre la que destaquen un luminosu de Caffrey's Stout de los de poner na' cai y un cuadru fechu con clips de cañeros (la chapa que se pon nel tiraor pa identificar la cerveza) de distintes époques y procedencies. La barra ye amplia y comoda, les meses espacioses y el bar tien un bon ventanal que da lluz natural a una parte d'elles. ¿Y cerveces? entrugaréis. Seguimos con la poco interesante selleción de Heineken-Guinness- Paulaner weizen, Heineken lager, Murphy's y Guinness Stout. En botella tambien ta surtía por el consorciu holandesón pero el tema ameyora gracies a l'esfuerzu del chigreru por dar a a la clientela otres cerveces como  les epeciales belgas Duvel y Tripel Karmeliet,  les trapenses de Chimay o la buena gama de Sint Bernardus de Watou de la que pudiemos  tastiar delles botellines de la  prestosa Prior 8.

El pub merez la pena ser visitáu por la decoración, les promociones cerveceres que faen a muy interesante preciu y l'ambiente nocturnu con buena música.
B.S.O- Brit pop y rock yanki. The killers, Manic Street Preachers, white stripe, Coldplay....

Un día Cualquiera...

A vegáes, les xornáes acaben reondes y la sensación que produz esa situación ye increíblemente sana. Cuando ves que lleguen les 20h d'un vienres cualisquier y ya entregasti a tiempu la traducción encargada, ya  finaste les clases viendo que los guajes deprendieron algo-  y pa enriba recibes la noticia de que unu de los tos allumnos pasó l'esamen con nota-  ves que ya arrivó'l momentu de dir a ver a l@s Collaci@s   y  tomar un vasu. Esi vienres, n'esi momentu, torniase máxicu.

La primera parada obligatoria foi la cervecería onde siempre tamos, Un inglés llamaríala "our local". Nos, diríemos la nosa. Anicié la tarde con una Glops Torrada, llager artesanal que me suel prestar muncho anque la d'esta tirada nun tá muy allá, pa mi gustu falta-y daqué y topéla insulsa. De seguío pidí una pinta de Bass, y entre'l charrar animáo sobre como mos diba la vida, les novedáes cerveceres y les rises llegó la segunda, reconfortando l'animu y ellevando l'espíritu, con los sos saborinos tan bonos Si encima te la sirven nel vasu estílu Imperial Pint británicu y ta fresca y sana como un coral, sabráte a gloria. ( Muncho me gusta esta cerveza!!!)

Ya reuníos tóus, coyimos rumbu pa utru lláu-hay que caltener la ruta cervecera de la ciodá, ye lo que hay- onde tamién mos recibieron con una sonrisa. N'esti Chigre, suelo pedir Marston's Pedigree Bitter en botella , una cerveza enllena de matices-entre ellos el famosu toque Burton que aporten les agues tan sulfuroses de esa zona y el pasu per les cubes de maera, una de les poques cerveces industriales que tovía lo faen. L'amargor caralterísticu que se espera d'ella nun tarda en reondear el tragu.

Mientres, seguíemos charrando y riendo, llamonos la atención que teníen como novedá t la rica Speciale Palm. Nun tardemos muncho en ponenos con ella.Trátase d'una cerveza belga de fermentación alta, sería el pradigma d'ale belga-aunque hay quien a esti tipu de cerveza, nomenles belgues speciales. Equilibrada, fresca, con notes de malta tostáo, naranxa amarga y un final suave, con un toque perbuenu. En seguida, tras otra ronda, entamamos a falar de lo típica que ye entre los paisanos vieyos de Amberes, de que si de verdá existe la ale belga o no, de si los nomes ale y alta fermentación tienen que tar o no pareyo etc...

La sorpresa de la tarde-nueche llegó con el requerimientu que me fizo la chigrera pa ver si podía confecciona-y la carta de cerveces pa esti añu. L'honor y l'allegría que me produxo tal fechu dexome plasmáu. Una carta de entre 150 y 200 referencies- eso pretende facer- con la llibertá pa confecionala al mi gustu. Aceté el retu con tanta allegría comu respetu po la tarea encomendada...

La nueche ya mos llevaba hacia otros derroteros y tomemos l'arrancaera n'una cervecería , per nomala de alguna manera. De barril: Beck's, Hoegaarden y Stella. De botella lo mesmo y pocu más. Incomprensible. Pedimos unes pintes y unes cañes de Beck's salvo un inconsciente que pidió Stella "porque nun la probara tovía", xustificabase. "Ticker* de los coyones, como si hubiere algo que probar" respondió otru.

La esperiencia foi un desastre enteru y verdaderu. La Beck's sin fuercia y con un desagradable tastiu metálicu, producíu por una mala hixiene de los cañeros y la Stella idem del lienzo. Na segunda ronda algún repitió, otru pidió una caña de Hoegaarden que taba empezando a picase -porque no la pide ni dios y el barril debe llevar abiertu sieglos, así que mi menda, ante tremendu descalabru y viendo lo poco atractiva que yera la ufierta en botella, optó por una Presidente de Santo Domingo, -Qué Rica Papííííto, qué Linda Mamíííííta!!!! con la cual "aciertes" siempre- la neutralidá de sabores ye lo que tien, nun defrauda y llimpia el gargüelu que da gustu. Allí mismu coxí el bus, ya que el sábado diva a ser un dia de trabayu llargu en forma, mientres el restu del grupu buscaba un sitiu pa cenar a les 23.30h. Ye lo que tien vivir n'el sur d'Europa onde nun se respeten los drechos de los trabayaores de la hostelería. Haiga Salú.

*llamase Ticker ( del verbu inglés to tick: marcar, facer una muesca) a los aficionaos a la cerveza cuyu propositu ye ser" el que más": el que más cerveces probó, el que más botelles tien, el que más llibros tien etc...Suele usase en sentíu despetívu porque delles veces l'obxetivu esi desviate del interés verdaderu que tien la tu afición. Pero allá ca'ún.(N. del A.)

Mio Güela la Visionaria/My granny a woman of Perspectives

La semana pasada tuve trasladáu a Llaviana por motivos de" trabayu rural". Fueron díes guapos, de muncha andecha pero tamien de grandes momentos.Torniar a casa ye siempre un placer llenu de charles amenes de ver a los   collacios que allí tien un, cuntase penes y allegríes y reíse xuntos un ratu, cosa esta, abondo sana.  Precisamente esti añu pude cellebrar el bríndis mundial a Michael Jackson ellí, n'el chigre del pueblu, entre la comedia de los que nun daben créditu  por facelos brindar n'inglés (  falar en foriato como dicen ellos) y los xestos co'l deu señalando la sien de los paisanos que me conocen dende guaje. Veníen a decir que ya nun había remediu, que nunca tuve chapeta ni la tendría enxamás. La cosa ye que, lluego en casa, mio güela Amparo, pequeña gran persona- lluchaora y con un sentíu de l'humor finu e intelixente, dixo les pallabres que más me emocionaron na mio vida cervecera. Mirando pal resto de los que tabemos ellí compartiendo mesa y mantel, soltó de repente"Nunca vi güaje que tanto-y gustare la cerveza como esti nietu miu mayor...veslu desfrutar de cá tragu como si fuere'l primeru". A l'utru día, pe la mañana y ensin dase un pijo importancia, volvió de la tienda con un paquete de vasu media docena de La Zaragozana  Export. con vasu incluíu Ye la meyor mio güela!!!!!Vaya esti Sursum Corda a la so salú, col to cariñu

Last week I spent a couple of hard working rural day's at my granny's home.The place is a small rural town located in the central part of Asturias, exactly up north the Nalón river's valley. It's a wonderful place surrounded by nature-High mountains,a deep river, with an interesting touristic offer- trekking, climbing, canoing..., and where you still can see the mine industry-the former flourish ecomomic engine of the area, agriculture and livestock breeding. Life in the countryside, revisiting old friends and learning by hearing the stories from the elder is something really satisfying.We were sharing a meal when one of my grannys, Amparo, pronounced the most moving words that anyone has ever told me related to beer: "I have never seen a person who liked beer in the way this "kiddo" does, he enjoys each sip as if it were the first one". The Next day she came back home from the local supermarket with a six-pack + glass of La Zaragozana Export. Soulful, Isn't it ?. A toast with love to my dear granny.

P.S.- Reivindicación Social escontra el empareamientu d 'un pueblu: CARRIO Sí, POLíGONU NON!!!