Dende Portugal a Cái, pasando per Castiella

Super Bock

tipo: Lager

fermentación: alta

alcohol: 5,6%

notes de cata: Lixera, suave, prestosa. 
Son munchos los recuerdos y los llugares onde fui feliz con ella entre les manes:

Leiria, Lisboa, Cabo da Roca y Oporto n'el añu 99 cuando descubrí Portugal n'un viaxe llocu rodeau de bonos collacios y collacies y  munches rises.

 3 años depués, en Coimbra, Galegas, Condeixa , Pousaflores, cuando Berta enseñóme el país con los sos güeyos y la so alma y conocí a laos sus amigoas. Qué grandes tardes de charra, comedia y Superbock... qué grandes sobremeses falando portuñol o meyor portuastur y fraguando una unión d'amistá sincera. Uviéu, a onde Marta, “a  nosa querida amiga portuguesa”, conoceora de la superbock passao, traerame un barril de 5 llitros con los que invité a los collacios y collacies

A Beira, durante el casamento “da Marta e o Jorge”,, tomando Superbock antes de la boda nun chigre  en Entroncamento a 0,75 centimos el terciu ( ponesme una caxa rapás, fas favor”) 
Portugal sempre n'el coral, sempre.

"EL PRIMER VASO DE VINO ABRE AL SEGUNDO EL CAMINO" ( popular)

Durius
Añada: 2000
Tipo de vino: Tinto.
Zona geográfica: Castilla y León.V.C.P.R.D. de las Arribes del duero
Tipo de uva: Tinto Fino, Tinta de Toro, Garnacha
Bodega: Durius

Empezamos po`l baratu que aparte de baratu  ye muy muy competente…y ye que mal que mos pese a los republicanos, hay otru marqués,  el marqués de Griñón que sabe  abondo de vinos,como bon enólogu y biólogu especializáu na materia, cosa que supo aprovechar y aplicar, trocando a meyor muches coses na maniera de facer vinu n'a Península.
( Salta una vozona na mio tiesta: "Claro ho,  teniendo tol tiempu del mundo pa facer vino asína cualquiera cocina, llegumes la Muyerina.Si trabayara nun facía ni Azpiazu -miticu vinu peleón dee La Caleyina- 
Si poro, replica otra voz más fina na mio tiesta: "hay dellos aristocráticos que  tamién tienen too'l tiempu y dediquense a porculizar y tocar los coyones a la sociedá")
...Bono a lo que voy que divago, jejejjee Pa mi gusto nun falla. Ta bonu, Ye asequible y val tanto pa un rotu como pa un descosíu. Sorprenderavos esti vino de los Arribes del Duero, Zona pergupapa Entre Salamanca, Zamora y la raya con Portugal.(hay versión  en blancu poro nun lu caté). Por cierto, de flipar la Hacienda Zorita. Antigüu conventu reformau en bodega y hospiciu onde pues quedate a dormir y yantar ( o al revés) y ver como se fae’l vinu d’esta bodega. Eso si empeña el anillu de la comunión, merecerate la pena

.

Pardevalles Rosado

Zona Geográfica V.C.P.R.D. - Vino de Calidad Tierras de León

Tipo de vino: Rosado

Tipo de Uva: 100% Prieto Picudo

Bodega: Viñedos y Bodegas PARDEVALLES .Valdebimbre,León

 Torniamos a valdebimbre  una vegada al añu. Ye una d'eses feches n'es que mos reunimos pa merquiar vinu y xintar y aprovechando facemos un viaxe xuntos. O viceversa. Y ye que mio padre y mio madre,  dende que yeremos guajes siempre mos llevaron con ellos  d'excursión  y de viaxe. Siempre yos prestara abondo recorrer la Península, n'especial pueblinos piquinos, con hestoria, famosos per coses siempre peregrines que de neños mos sonaben a chinu y que lluego al crecer foron faciendomos gracia ya interesandonos 
-" D'equí ye unu que tuvo conmigo en colexu internu que se apellidaba...." y dabamos el nome y apellíu y cuntabamos una anécdota descoyonante 
" equí tuviere Machado dando clase" eeh? quien ye esi? decíemos y lluego recitabamos  Yo para tod viaje, siempre sobre la madera.....
"Equí tuviemos de recien casaos, acuerdeste mamina?" Nun me voy acordar, entós? decía mio ma sonriendo, como siempre.
"Equí cómese esto que ta tan bono" sí, sí, vamos parar que además mexome papaaaaa, decía el mio hermanu
Sea como fuere el casu ye que a toos los pueblos a los que ibemos, coincidencies de la piel de toru, había bodegues, cooperatives y denominaciones de orixe, ensin escaecemos de chigres y tabernes varies y paisaxe perguapu.
. 
Valdebimbre, en Lleón, tien una gran cantidad de bodegues onde se trabaya la uva prieto picudo sacando d’ella un excelente rendimientu y produciendo unos vinos tanto tintos como claretes de gran fartura, digo factura.
Estos vino tovía nun son muy conocíos n'Asturies, y eso que tamos al lláu, o meyor dichu, empiecen a ser conocíos agora pero a mi paezme que dellos tienen un calidá que yos permite competir con famosos rosados DOC a una más que interesante rellación calidá preciu. A mi lo que más me presta ye dir a la bodega, ver a la xente del llugar trabayar, charrar un pocu con ellos, ver como hinchen cuando yos emponderes el vinu que faen y yos cuentes que vienes dende Asturies a merquialo. Presta tastialo ellí, in situ,  negocialo -hay que decir en favor d'ellos que siempre son xustos y casi siempre te regalen una botellina o dos -y lluego traer el maleteru enllenu. 
Valdebimbre amás, tien sitios muy competentes pa comer, les famoses cueves-bodegues pero comu solemos ir tempranu pa que nun se faiga eterna la espera a la hora comer, solemos rematar el día yendo pa' Lleón capital a tomar unos vinos y unos pinchacos, enantes d' acabar comiendo en La Gitana, un bar onde ponen una carne a la piedra que espatarra, unes mollejes en salsa pistonudes y unos canutillos de hoxaldre con crema que ni vos cuento. Y pa beber? Prieto picudo Rosado, faltaba más.

Castillo San Diego 

D.O.: Vino de laTierra de Cadiz

Tipo de vino: Blancos sin crianza

Tipo de Uva: 100% Palomino fino.

Bodega: Bodega Antonio Barbadillo

Per casualidá un día pa'una cena en casa nun se quien  llevó una botella de Castillo San Diego y dende esa vegada quedé enamorau d'esti vinu que paez torpe y probe pero, que al  mio entender,  n' esa cencillez ye onde reside la so gracia y la so virtú. Poca  ye la xente a quien-y lu doy a probar  y nun y-gusta.
Lleí,  fae pocu, que esta bodega foi la primeira n'embotellar vinu blanco n' Andalucía, hallá per el 1821.  Y dende entonces, nun paró. De preciu anda muy bien, con  una  de les meyores relaciones  calidá - preciu porque los competiores directos  son más caros poro non per ello meyores( dellos  más caros, son incluso peores   y los más baratos son puxarra) 
 Y ye que esto de los precios ye la de dios, hay sorpreses, siempre les hay, pero  personalmente nun me fio de un vinu de menos de 2 euros y menos si  la botella sea preciosa y la etiqueta una obra d’arte. Nun me salen les cuentes al preciu que ta el vidriu, la uva y los diseñaores gráficos.....
Nun se perqué pero ye un vinu,  ya que falabemos de diseñu con el se me ocurre facer un anunciu pa la tele, un grupazu de collacios y les collacies  n'una terracina  n'una mañana de sol de mayu, rascandose'l banduyu, riendo y viendo la vida pasar con allegría, pero ye verdá que'll vinu y la cerveza ya nun pueden anunciase en TV, salvo que seyas quien toos sabemos.....
Poro bono.... que too esti rollu ye pa' cuntavos que tamos ante un blancazu  coyonudu pa´con una paellina con la familia n'un domingu de calor,  pa´con un arrocín prietu con chipirones, enllenando la boca de granos, o  pa con un pocu oreya y pulpu- aberracióóóón glayarán los mios collacios y collacies galegos jajajajajajjaja , y fasta pa con un pocu quesu azul gochón tipo Gorgonzola o Peñasanta... Vaya fame y vaya sede!!!! Haiga Salú

Oríxenes establecíos

Aniciando per los Oríxenes

Beamish

Tipo: Irish stout

Alcohol: 4, 2%

Fermentación: alta

Prieta como los rizos de Phil Lynnot, suave como la voz de Molly Malone. Alcuerdome que prestaba abondu tomala n'el bar Narancu. Tamien perque  si tomabes tres dexabente pedir música y con Rory Gallagher,  Thin Lizzy y Llan de Cubel de fondu el tragu ameyora. Con un chorrin de ron escuru, sabe d’espatarrar y ye meyor que cualquier cacharru, Slainte!!!

“Bebo vino cuando tengo gana y cuando no la tengo, y cuando me lo dan, por no parecer o melindroso o mal criado: Que a un buen brindis del amigo, ¿qué corazón ha de haber tan de mármol, que no haga la razón?”  M. de Cervantes; El Quijote II, Cáp., 33.

Marqués de Cáceres

Crianza: Tinto crianza

Denominación de Origen: Rioja.

Tipo de uva: Tempranillo (85%), Garnacha (8%), Graciano (7%)

Bodega: Marqués de Cáceres (Unión Vitivinícola S.A.)

Como diz mio tíu, "Yo soy republicanu y proletariu pero el Masrqués esti, gustame mucho"  Pocu más que axuntar, ye un vinu coyonudu de la zona rioxana de Cenicero. Un vinazu, bonu, con carálter y agradable  de los que nun falla,  les coses como son. Prestosu pa cualisquier momentu. Vienme a la memoria una escena coyonuda de Edinburgu. Solíemos parar nún pub nomau  The Blue Blazer, situ al pié de la peña del Castiellu, a mediu camín entre el mio llar y el trabayu. Siempre bona real ale, música decente y ambiente auténticu con los mesmos parroquianos a diariu. N'una d'eses que me tocaba dir a por una ronda acolumbré entre les botelles de vinu una botella de Marqués de Cáceres, taba como un pocu separtá del resto de vinachos que teníen en ufierta- una sorte de mecigalla arxentina y manchega en tintos y australianos de tapón de rosca y surafricanos dulzaplayos. EN lo que me servíen les pintes, arrimó un paisanu a la barra pidiendo "  a glass of my Tinto, por favor" y así foi como conocí a José Ángel, un galegu que llevaba 30 años en Escocia y que tomaba Marqués de Cáceres porque la cerveza esa quente non che gostaba moito y dalgún caprichu tendrá que poder dase l´emigrante. Foi l'aniciu de una bona amistá que tovía dura. Saúde, amigu!!!!

Bajoz 
Crianza:  Tinto Joven
Denominación de Origen: Toro.
Tipo de uva: Tinta de Toro (100%)
Calificación de la añada: Muy Bueno.
Bodega: Viña Bajoz, S.COOP.

Nun hay dubia que ye  un vinu BB ( buenu y baratu) topeslu en casi toos los supermecaos y grandes superficies. Cuanto presta chatealu con mio pa' en Los Balcones,  per ciertu, pa los de la Logse y los que nun  sois de Collotu, un chigre coyonudu que lo sepáis.Ta muy bien pa cenes en casa y parrillaes o fiestas en terraces ya que pues tomar una caxa sin date un pijo importancia ( entre varios eh!!!!)

Vinos Guerra

Vinos Guerra

Crianza:  Tinto Xoven

Denominación de origen: Bierzo
Tipo de uva: Mencía (100%)

Bodega: Vinos del Bierzo, Soc.Coop.

Esti ye unu d’esos vinos que topamos n’una de les nueses excursiones familiares a Lleón a merquiar vinu y  tengo que reconocer que ye un gran hallazgu ya que en la so elaboración recuperase y conservase un tipo de uva autóctonu, La Mencía. Ye un vinu suave, afrutau y a la vez col carácter suficiente pa dexate satisfechu en cada sorbiu. Ye el meyor compañeru de la tortiella y el bollu chorizu cuando tas nel prau la fiesta de cualquiera de les munches romerías que hay cada branu n’Asturies. Ya nun vos cuento lo bonu que ye  pa llenar la bota y llevalu al riu pa acompañar el bocata sardines y el pinchu quesu jejejeje

De gustibus .....est disputandum

O de comu un brindis romanu y una de Los Enemigos ficieron que aniciara a cuntar hestories piquiñines de bébores, xinta, viaxes y temes varios.....

Dicen que " De Gustibus non est disputandum" frase llatina que incide en la subxetividá innegable del gustu, parcial diría, pero innegable. Digo parcial perque al mio entender paezme un pocu prexuiciosa al dar  la sentencia en sí per pesllada, la capacidá d´aprender, de formase, la posibilidá de que el gustu pueda tresformase o pueda cultivase. Muches vegaes, y non ensin intención, en según que casos,  tomase la sentencia llatina como un sursum corda ideolóxicu ya inamovible que va escontra de l`enorme capacidá d'adautación del gustu n`el ser humanu...y de la capacidá de sorprendése y escambiar, en definitiva escontra el placer de desfrutar.

Sobre esta base anicia esti blogue  queriendo ser fieles al "Aunque lo diga el sursuncorda...",  con la sana intención d´ir escontra de esi vieyu dichu llatinu ya enfotaos n`a certeza  d'otru dichu clásicu, nésti casu grecu,de nun saber nada, de nun tener ni puta idea,  pa asína tar abiertos al aprendizaxe y al disfrute, ensin tomáse en seriu unu mesmu,ensin dexar d'ir y de ser  llibre.
Vaiga per delantre que estes llínees que siguen tarán, dexuru, enllenes d'anarquía, d'inconherencies, de comedia...poro, ya entrugo ¿ nun son acasu la anarquía, la incoherencia  y la comedia una bona maniera de vivir y beber y d'ir escontra lo establecío?,Haiga Salú.



PS.- Al final tamién acabé sucumbiendo a l'asuntu esti del onanismu cibernéticu. "Errare humanun est"  HAIGA SALÚ, ROCK 'N ' ALE.