Vi Generós: Vinu Xenerosu

Lo de generós y xenerosu nun tien nada que ver con que el vino seya dolce y alcohólicu-aunque unu d'ellos si ye dulzplayu. La cosa va de xenerosidá por parte de los valencianos-D, P, A, * que mos lu regalaren n'aquella primera reunión al vivu y tamién por parte de los mios collacios de la CAAC que sabiendo que lu iba a apreciare y como había taú malu y perdíme l'eventu quisieron que ficiera les veces d'encargáu dabrílu y saboreálu.

Dos fueron les muestres que mos traxeron de tierres de Valencia. Les dos bodegues alscrites a la denominación de orixe Valencia. Les dos con una cosa en común a pesar de ser dos vinos totalmente destintos: l'apegu a la tierra, el respeutu pe la tradición y l'usu d'uves oriundes de la so rexión pa day carálter al vinu.

Les Alcuses 2006 de bodegues Celler del Roure, na zona del Moixent, gustome abondo, ya na botella mos alvierten de que ta fechu con uves bonamente madures "de raïm ben madur " y señala unos per altos 14%, con lo que nun esperiaba un tragu menos densu, dulce, menos alcohólicu. La mezcla entre uves autóctones: Monastrell, tempranillo-que yo pensaba que por la zona llamabase Bobal y foriates: Cabernet Sauvignon, merlot( uva que me gusta abondu) da presencia a fruta maura-especialmente groselles y mores prietes que destaquen pero solpriende'l sentir el recuerdu de la maera, de la guarda y notar el alcohol que aunque presente y poderosu diluyese na boca en consonancia con la fruta, dando-y equilibriu a un tragu que pide otru( moreish que dicen los anglos). Alcordances de Terruñu, ye como yo lu llamaría porque llevame a tierres dures, de vid forte y clima escambiante onde el sol ye sol, pero el fríu tamién ye fríu. Sabeme a tragu nel pueblu, a bocáu nel bar de la esquina. Prestosu abondu, pidiendo más, nun hay dubia.

Santerra de Murviedro ye un vinu particular, personal, diferente. La uva moscatel siempre foi una d'eses grandes separtaes. Abondu bona pa facer vinu dolce pero poco maleable pa facer vinos secos. Ensin embargu equí Murviedro intenta sacay jugu, day una vuelta pa facer un dry muscat. La botella que llegó a les mios manes ya taba empezando a oxidase y eso desdixera un poco el sabor final. Les frutes blanques y tropicales que deberíen aparecer taben torniando muy madures en boca y ya nun había manera de poder conxugar la acidez natural con el dulzor propiciu de la maceración que llevaba, perdíera frescura pol camín. Tuviera leyendo na so páxina y al parecer faen dos sangraos por separatao, unu de moscatel y otru de la muy local merseguera( la marisancho tamién la nomen)-en proporción 85% a 15% y a continuación faen el ensamblaxe, el coupage que dicen los del ramu, la mezcla, dando-y vueltes fasta atopar l'arumes y los sabores xustos.

Siempre digo lo mismo, el terruñu ye el terruñu y una de les coses meyores que tienen bebides como el vinu, la sidra o la cerveza-porque estes dos últimes tan a la par y tamién tienen terruñu, creéime, ye precisamente la comunión entre tierra, bebida, paisaxe y paisanaxe con lo que dexuru que tendremos que visitar Valencia pa desfrutar de vinos como estos n'esa guapa tierra. Gracies Fonderes Collacios, Moltes Gracies Companys. Haiga Salú

**D ye de Delirium, P ye de Pinar y A ye de Albert- que nun tien blog pero tien compañeres de pisu que tan buenes o eso me dixeran



P.S.- Si d'algún taba espererando que falara de sabores a tierra, cuero, tabaco, piedra etc.... deciy que confundiose de páxina. A mi el vinu sabeme a uva, a frutes, a alcohol natural, a maera, a lo mesmo que me güele, pero a lo otro no porque na vida probé( ni creo que probaré) semexantes materies y si me golifare a cuero, a tabaco o a piedre dexuru que pensaría que taba malo y pediría que me lo cambiaren jejejeje